| e-texts navigator |
| Wylie |
214b1 སུས་དེ་བཞིན་གཤེག་པ་ལ་མཆོད་པར་འགྱུར། སྨྲས་པ། ཚངས་པ་གང་བསོད་ནམས་དང་། བསོད་ནམས་མ་ཡིན་པ་དང་། མི་གཡོ་བར་ཉེ་བར་འགྲོ་བའི་འདུ་བྱེད་ཐམས་ཅད་མངོན་པར་འདུ་མི
214b2 བྱེད་པའོ། ། སྨྲས་པ། འཇམ་དཔལ་སུས་དེ་བཞིན་གཤེགས་པ་མཐོང་། སྨྲས་པ། གང་ཤའི་སྤྱན་དང་། ལྷའི་སྤྱན་དང་། ཤེས་རབ་ཀྱི་སྤྱན་དང་། ཆོས་ཀྱི་སྤུན་དང་། སངས
214b3 རྒྱས་ཀྱི་སྤྱན་ལའང་མངོན་པར་མ་ཆག་པ་དེ་དེ་བཞིན་གཤེགས་པ་མཐོང་ངོ་། ། སྨྲས་པ། འཇམ་དཔལ་སུས་ཆོས་མཐོང་། སྨྲས་པ། གང་རྟེན་ཅིང་འབྲེལ་པར་འབྱུང་བ་མཐོང་ཞིང་འགལ་བར
214b4 མི་བྱེད་པ་རྣམས་ཀྱིས་སོ། ། སྨྲས་པ། སུས་རྟེན་ཅིང་འབྲེལ་པར་འབྱུང་བ་མཐོང་། སྨྲས་པ། གང་མཉམ་པ་ཉིད་མི་སྐྱེད་ཅིང་འགལ་བར་མི་བྱེད་པས་སོ།། སྨྲས་པ། འཇམ་དཔལ་སུ
214b5 དག་མངོན་པར་ཤེས་པ་ཐོབ། སྨྲས་པ། གང་ཟག་པ་མི་སྐྱེད་ཅིང་མི་འགོག་པ་རྣམས་སོ།། སྨྲས་པ། འཇམ་དཔལ་སུ་དེ་བཞིན་གཤེགས་པའི་བསླབ་པ་ལ་སློབ། སྨྲས་པ། གང
214b6 མངོན་པར་འདུ་མི་བྱེད་པ་དང་། མྱོང་བར་མི་བྱེད་པ་དང་། མི་སྐྱེད་པ་དང་། སོ་སོར་མི་སྤོང་བ་རྣམས་སོ།། སྨྲས་པ། འཇམ་དཔལ་སུ་ཡང་དག་པར་ཞུགས། སྨྲས་པ། གང་ཁམས
214b7 གསུམ་པ་ལ་མ་ཞུགས་པའོ། ། སྨྲས་པ། འཇམ་དཔལ་གང་ཤིན་ཏུ་དུལ་བ་ཡིན་ནོ།། སྨྲས་པ། གང་ཡང་སྲིད་པ་མི་ལེན་པའོ།། སྨྲས་པ། འཇམ་དཔལ་གང་བདེ་བར་གྱུར་པ།
iiif viewer powered by OpenSeadragon
