| e-texts navigator |
| Wylie |
214a1 བཀའ་བཞིན་བྱེད་པར་འགྱུར། སྨྲས་པ། ཚངས་པ་ནམ་དགེ་སློང་བསྟོད་པ་དང་། སྨད་པ་བྱས་ཀྱང་གནོད་པ་མེད་ན། དེ་ལྟར་ན་བསྟན་པ་བཞིན་དུ་བྱེད་པ་ཡིན་ནོ།། གང་ཡི
214a2 གེའི་རྗེས་སུ་མི་སྙེགས་ན་དེ་ལྟར་ན་བཀའ་བཞིན་དུ་བྱེད་པ་ཡིན་ནོ། ། གང་མཚན་མ་ཐམས་ཅད་ལས་ཞི་བར་གྱུར་ན། དེ་ལྟར་ན་བསྟན་པ་བཞིན་བྱེད་པ་ཡིན་ནོ།། གང་དོན་དང་འགལ་བར་མི་བྱེད་ན་དེ་ལྟར
214a3 ན་བཀའ་བཞིན་བྱེད་པ་ཡིན་ནོ། ། གང་ཆོས་ཡོངས་སུ་སྲུང་ན་དེ་ལྟར་ན་བསྟན་པ་བཞིན་བྱེད་པ་ཡིན་ནོ།། གང་ཚིག་རྣམས་དང་འཐུན་པར་མི་བྱེད་ན་དེ་ལྟར་ན་བཀའ་བཞིན་བྱེད་པ་ཡིན་ནོ།། སྨྲས་པ
214a4 འཇམ་དཔལ་ཇི་ལྟར་ན་དགེ་སློང་དམ་པའི་ཆོས་ཡོངས་སུ་སྲུང་བ་ཡིན། སྨྲས་པ། གང་མཉམ་པ་ཉིད་ལས་འགལ་བར་མི་བྱེད་ཅིང་ཆོས་ཀྱི་དབྱིངས་རྣམ་པར་འཁྲུག་པར་མི་བྱེད་ན། དེ་ལྟར་ན་དམ་པའི།
214a5 ཆོས་ཡོངས་སུ་སྲུང་བ་ཡིན་ནོ།། སྨྲས་པ། འཇམ་དཔལ་ཇི་ལྟར་ན་དགེ་སློང་དེ་བཞིན་གཤེགས་པ་ལ་ཉེ་བར་གནས་པ་ཡིན། སྨྲས་པ། ཚངས་པ་གང་ཆོས་གང་ལའང་ཉེ་བ་འམ། རིང་བ
214a6 མེད་པར་མཐོང་བའི་དགེ་སློང་དེ་ནི། དེ་བཞིན་གཤེགས་པ་ལ་ཉེ་བར་གནས་པ་ཡིན་ནོ།། སྨྲས་པ། ཇི་ལྟར་ན་འཇམ་དཔལ་དགེ་སློང་དེ་བཞིན་གཤེགས་པ་ལ་རིམ་གྲོ་དང་བསྙེན་བཀུར་བྱེད་པ་ཡིན།
214a7 སྨྲས་པ། ཚངས་པ་དགེ་སློང་གང་ལུས་དང་། ངག་དང་། ཡིད་ཀྱིས་རྟུལ་བར་མི་བྱེད་པའི་དགེ་སློང་དེ་ནི་དེ་བཞིན་གཤེགས་པ་ལ་རིམ་གྲོ་དང་བསྙེན་བཀུར་བྱེད་པའོ།། སྨྲས་པ། འཇམ་དཔལ
iiif viewer powered by OpenSeadragon
