| e-texts navigator |
| Wylie |
213b1 འགྱུར། སྨྲས་པ། གང་རྩོད་པར་མི་འགྱུར་བ་དང་། ཤེས་པར་མི་འགྱུར་བ་དང་། རྗེས་སུ་ཤེས་པར་མི་འགྱུར་བ་རྣམས་སོ།། སྨྲས་པ། འཇམ་དཔལ་ཇི་ལྟར་ན་དགེ་སློང་རྩོད་པ་མང་བ
213b2 ཡིན། སྨྲས་པ། འདི་ནི་རིགས་འདི་ནི་མི་རིགས་སོ་ཞེས་བྱ་བ་འདི་ནི་རྩོད་པའོ།། དེ་བཞིན་དུ་བསྡུས་ཏེ་འདི་ནི་འབྲེལ་པའོ་འདི་ནི་མ་འབྲེལ་པའོ་ཞེས་བྱ་བ་དང་། འདི་ནི་ཉོན་མོངས་པའོ་འདི་ནི་རྣམ
213b3 པར་བྱང་བའོ་ཞེས་བྱ་བ་དང་། འདི་ནི་དགེ་བའོ་འདི་ནི་མི་དགེ་བའོ་ཞེས་བྱ་བ་དང་། འདི་ནི་ཁ་ན་མ་ཐོ་བ་དང་བཅས་པའོ་འདི་ནི་ཁ་ན་མ་ཐོ་བ་མེད་པའོ་ཞེས་བྱ་བ་དང་། འདི་ནི་ཟག་པ་དང་བཅས་པའོ་འདི།།
213b4 ནི་ཟག་པ་མེད་པའོ་ཞེས་བྱ་བ་དང་། འདི་ནི་འཇིག་རྟེན་པའོ་འདི་ནི་འཇིག་རྟེན་ལས་འདས་པའོ་ཞེས་བྱ་བ་དང་། འདི་ནི་འདུས་བྱས་སོ་འདི་ནི་འདུས་མ་བྱས་སོ་ཞེས་བྱ་བ་དང་། འདི་ནི་ཚུལ་ཁྲིམས་སོ།
213b5 འདི་ནི་ངང་ཚུལ་ངན་པའོ་ཞེས་བྱ་བ་དང་། འདི་ནི་བྱ་བའོ་འདི་ནི་བྱ་བ་མ་ཡིན་པའོ་ཞེས་བྱ་བ་དང་། འདི་ནི་འཐོབ་པར་འགྱུར་རོ་འདིས་ནི་འཐོབ་པ་མ་ཡིན་པར་འགྱུར་རོ་ཞེས་བྱ་བ་འདི་ནི་རྩོད་པའོ།།
213b6 ཚངས་པ་ཇི་ཙམ་དུ་ཁེངས་པ་དང་། འདུད་པ་དང་། ལེན་པ་དང་། འདོར་བ་དེ་ཙམ་དུ་རྩོད་པ་སྟེ། དེ་བཞིན་གཤེགས་པས་ནི་རྩོད་པ་མེད་པར་ཆོས་བསྟན་ཏོ།། སྤྲོས་པ་ལ་དགའ་བ་ལ་ནི་མི་རྩོད
213b7 པ་མེད་དོ། ། རྩོད་པ་མང་བ་ལ་ནི་དགེ་སྦྱོང་དུ་གྱུར་པ་མེད་དོ།། དགེ་སྦྱོང་འདོད་པ་ལ་ནི་འཐབ་པ་མེད་དོ།། སྨྲས་པ། འཇམ་དཔལ་ཇི་ལྟར་དགེ་སློང་དེ་བཞིན་གཤེགས་པའི་བསྟན་པ་བཞིན་བྱེད་པ་དང་།
iiif viewer powered by OpenSeadragon
