| e-texts navigator |
| Wylie |
213a1 སྨྲས་པ། འཇམ་དཔལ་གཉིས་སུ་མེད་པ་ཅི་རྣམ་པར་རིག་པར་བྱེད། སྨྲས་པ། གལ་ཏེ་རྣམ་པར་རིག་པར་བྱེད་ན་གཉིས་སུ་མེད་པ་མ་ཡིན་པར་འགྱུར་ཏེ། གཉིས
213a2 སུ་མེད་པ་ནི་རྣམ་པར་རིག་པ་མེད་པའོ། ། ཚངས་པ་གཉིས་ཞེས་བྱ་བ་ནི་རྣམ་པར་རིག་པའོ།། དེ་བཞིན་གཤེགས་པས་ནི་རྣམ་པར་རིག་པ་མེད་པར་ཆོས་བསྟན་ཏེ། ཆོས་དའང་ཇི་ལྟར་བསྟན་པ
213a3 དེ་བཞིན་དུ་མ་ཡིན་ནོ། ། དེ་ཅིའི་ཕྱིར་ཞེ་ན། ཆོས་དེ་ཡི་གེ་མེད་པའི་ཕྱིར་རོ།། སྨྲས་པ། འཇམ་དཔལ་དེ་བཞིན་གཤེགས་པས་ཆོས་བསྟན་པ་གང་དུ་འགྲོ། སྨྲས་པ། ཚངས་པ་དེ
213a4 བཞིན་གཤེགས་པས་ཆོས་བསྟན་པ་ནི་འགྲོ་བ་མེད་པར་འགྲོ་བའོ། ། སྨྲས་པ། འཇམ་དཔལ་དེ་བཞིན་གཤེགས་པས་མྱ་ངན་ལས་འདས་པར་འགྲོ་བའི་ཆོས་མ་བསྟན་ཏམ། སྨྲས་པ། ཅི་མྱ་ངན
213a5 ལས་འདས་པ་ལ་འགྲོ་བ་འམ་འོང་བར་དམིགས་སམ། སྨྲས་པ། མྱ་ངན་ལས་འདས་པ་ལ་འོང་བའང་མེད། འགྲོ་བའང་མེད་དོ།། སྨྲས་པ། ཚངས་པ་དེ་ལྟ་བས་ན་དེ་བཞིན་གཤེགས་པས་འགྲོ་བ
213a6 མེད་པར་འགྲོ་བའི་ཆོས་བསྟན་ཏོ། ། སྨྲས་པ། ཇི་ལྟར་ཐོས་པ། སྨྲས་པ། ཇི་ལྟར་བརྗོད་པ་བཞིན་དུའོ།། སྨྲས་པ། ཇི་ལྟ་བུ་བརྗོད། སྨྲས་པ། ཇི་ལྟར་རྣམ་པར་རིག་པ་མེད
213a7 པ་དང་ཐོས་པ་མེད་པ་བཞིན་ནོ། ། སྨྲས་པ། དེ་བཞིན་གཤེགས་པའི་ཆོས་ཉན་པ་གང་ཡིན། སྨྲས་པ། གང་ཡུལ་ལ་ཟག་པ་མེད་པ་རྣམས་སོ།། སྨྲས་པ། ཆོས་འདི་སུས་ཤེས་པར
iiif viewer powered by OpenSeadragon
