| e-texts navigator |
| Wylie |
212b1 ནུས་སམ། ཁྱད་པར་སེམས་ཀྱིས་སྨྲས་པ། འཇམ་དཔལ་ཁྱོད་སེམས་ཅན་གཞན་དང་གང་ཟག་གཞན་དག་ལ་ཆོས་མི་སྟོན་ཏམ། སྨྲས་པ། ཚངས་པ་ཅི་ཆོས་ཀྱི་དབྱིངས་གཉིས་སུ་རབ་ཏུ
212b2 ཕྱེ་བ་ཡིན་ནམ། སྨྲས་པ། དེ་མ་ཡིན་ནོ།། སྨྲས་པ། ཆོས་ཐམས་ཅད་ཆོས་ཀྱི་དབྱིངས་སུ་ངེས་པ་མ་ཡིན་ནམ། སྨྲས་པ། ངེས་པ་ཡིན་ནོ།། སྨྲས་པ། ཚངས་པ་གལ་ཏེ
212b3 ཆོས་ཀྱི་དབྱིངས་ཀྱང་གཉིས་སུ་མེད་པ་ཡིན་ལ། ཆོས་ཐམས་ཅད་ཀྱང་ཆོས་ཀྱི་དབྱིངས་སུ་ངེས་ན། སེམས་ཅན་གཞན་དང་གང་ཟག་གཞན་དག་ལ་ཇི་ལྟར་ཆོས་བསྟན་པར་བྱ། སྨྲས་པ། འཇམ
212b4 དཔལ་གཉིས་ཀྱང་མ་ཡིན་ལ། ཆོས་བསྟན་པ་ཡོད་དམ། སྨྲས་པ། ཚངས་པ་གལ་ཏེ་སྟོན་པ་འམ། ཉན་པ་འགའ་ཞིག་རྙེད་ན་ཡོད་དོ།། སྨྲས་པ། འཇམ་དཔལ་དེ་བཞིན་གཤེགས
212b5 པས་ཆོས་མ་བསྟན་ཏམ། སྨྲས་པ།། མ་བསྟན་མོད་ཀྱི་གཉིས་སུ་མ་ཡིན་ནོ།། དེ་ཅིའི་ཕྱིར་ནན། དེ་བཞིན་གཤེགས་པ་ནི་གཉིས་སུ་མེད་པར་ཆོས་སྟོན་ཏེ། གཉིས་སུ་མི་མཛད་དོ།།
212b6 སྨྲས་པ། འཇམ་དཔལ་གལ་ཏེ་ཆོས་ཐམས་ཅད་གཉིས་སུ་མེད་པ་ཡིན་ན། དེ་ཇི་ལྟར་བྱིས་པ་སོ་སོའི་སྐྱེ་བོ་རྣམས་གཉིས་སུ་མེད་པ་གཉིས་སུ་བྱེད། སྨྲས་པ། བདག་གི་རྒྱུད་ལ་བདག་ཏུ
212b7 འཛིན་པས་བྱིས་པ་སོ་སོའི་སྐྱེ་བོ་རྣམས་གཉིས་སུ་བྱེད་དེ་གཉིས་སུ་མེད་པ་ནི་ནམ་ཡང་གཉིས་སུ་མི་འགྱུར་རོ། ། ཇི་ཙམ་དུ་མང་དུ་གཉིས་སུ་བྱས་ཀྱང་གཉིས་སུ་མེད་པའི་མཐའ་གཉིས་སུ་མེད་དོ།།
iiif viewer powered by OpenSeadragon
