| e-texts navigator |
| Wylie |
212a1 དཔའ་རྣམས་ཀྱི་དགེ་བའི་རྩ་བའོ། ། ཉན་ཐོས་དང་རང་སངས་རྒྱས་ཀྱིས་མི་འདོད་པའི་ཕྱིར་བྱང་ཆུབ་ཀྱི་སེམས་མི་གཏོང་བ་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བའོ།།
212a2 ། བམ་པོ་བཞི་པ།། དེ་ནས་འཇམ་དཔལ་གཞོན་ནུར་གྱུར་པ་འཁོར་དེར་འདུས་ཏེ་ཅང་མི་ཟེར་བར་འདུག་གོ།། དེ་ནས་བཅོམ་ལྡན་འདས་ལ། ཚངས་པ་ཁྱད་པར
212a3 སེམས་ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་འཇམ་དཔལ་གཞོན་ནུར་གྱུར་པ་འདི་འཁོར་འདིར་མཆིས་ཏེ། འདི་ལྟར་ཡང་དག་པར་བརྗོད་པའི་གཏམ་ཅུང་ཟད་ཀྱང་མི་སྟོན་ཏོ།།
212a4 དེའི་ཚེ་བཅོམ་ལྡན་འདས་ཀྱིས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། འཇམ་དཔལ་ཆོས་བསྟན་པ་འདི་ལ་ཁྱོད་གཏམ་གྱི་རྒྱུད་འགའ་ཞིག་སྤོབས་པར་གྱིས་ཤིག། འཇམ
212a5 དཔལ་གྱིས་གསོལ་པ། ཆོས་གང་བཅོམ་ལྡན་འདས་ཀྱིས་མངོན་པར་རྫོགས་པར་སངས་རྒྱས་པའི་ཆོས་དེ་ལ་གདགས་པ་གང་ཡང་མ་མཆིས་སམ། བཀའ་སྩལ་པ། འཇམ་དཔལ་ཆོས་དེ་ལ་གདགྲ
212a6 པ་གང་ཡང་མེད་དོ། ། གསོལ་པ། བཅོམ་ལྡན་འདས་ཆོས་དེ་བརྗོད་པར་བགྱི་བ་ལགས་སམ། སྨྲ་བར་བགྱི་བ་ལགས་སམ། བསྟན་པར་བགྱི་བ་ལགས་སམ། བཀའ་སྩལ་པ། འཇམ
212a7 དཔལ་ཆོས་དེ་བརྗོད་པར་བྱ་བ་མ་ཡིན། སྨྲ་བར་བྱ་བ་མ་ཡིན། བསྟན་པར་བྱ་བ་མ་ཡིན་ནོ།། གསོལ་པ། བཅོམ་ལྡན་འདས་ཆོས་གང་མ་བརྗོད། མ་སྨྲས། མ་བསྟན་པ་དེ་བཤད་པར
iiif viewer powered by OpenSeadragon
