| e-texts navigator |
| Wylie |
211a1 སླད་དུ་ཆོས་ཐམས་ཅད་ནི་ཡོན་ཏན་དང་བྲལ་ཞིང་ཡོན་ཏན་མ་མཆིས་པ་སྟེ། དེ་བས་ན་བྱང་ཆུབ་སེམས་དཔའ་རྣམས་ཀྱིས་ཡོན་ཏན་གྱི་སླད་དུ་འམ། ལེགས་པའི་སླད་དུ
211a2 བྱང་ཆུབ་ལ་འཇུག་པར་མི་བགྱིའོ། ། གཞན་དུ་ན་སྙིང་རྗེ་ཆེན་པོས་རྒྱུས་བདག་གིས་སྡུག་བསྔལ་བས་ཡོངས་སུ་མི་སྐྲག་པའི་སླད་དུ། དགེ་བའི་ཆོས་བསྐྱེད་པར་བགྱི་བའི་སླད་དུ། ལྟ་བ་ལས
211a3 རྣམ་པར་ཐར་པར་བགྱི་བའི་སླད་དུ། ནད་ཐམས་ཅད་བསལ་བའི་སླད་དུ། ཡོངས་སུ་འཛིན་པ་གཏོང་བའི་སླད་དུ། མཛའ་བ་དང་མི་མཛའ་བ་ལ་མི་བལྟ་བའི་སླད་དུ། འཇིག་རྟེན་གྱི་ཆོས
211a4 རྣམས་ཀྱིས་མི་གོས་པའི་སླད་དུ། འདུས་བྱས་ལ་སྐྱོ་བའི་སླད་དུ། མྱ་ངན་ལས་འདས་པ་ལ་བདེ་བར་དགོད་པའི་སླད་དུ། དམ་པའི་ཆོས་ཡོངས་སུ་གཟུང་བའི་སླད་དུ། སེམས་ཅན
211a5 རྣམས་ཡོངས་སུ་སྨིན་པར་བགྱི་བའི་སླད་དུ། བཅོམ་ལྡན་འདས་བྱང་ཆུབ་སེམས་དཔས་རེ་བ་མ་མཆིས་པར་བགྱི་སྟེ། ཕ་རོལ་ལ་མི་རེ་བར་བགྱིའོ།། བཅོམ་ལྡན་འདས་བྱང་ཆུབ་སེམས་དཔས
211a6 བགྱིས་པ་དང་། མ་བགྱིས་པ་ལ་འགྱོད་པ་མ་མཆིས་པར་བགྱིའོ།། བཅོམ་ལྡན་འདས་བྱང་ཆུབ་སེམས་དཔའ་ནི་བདེ་བ་དང་སྡུག་བསྔལ་གནོད་པར་མི་འགྱུར་རོ།། བཅོམ་ལྡན་འདས་བྱང་ཆུབ
211a7 སེམས་དཔའ་རྣམས་ཀྱི་དགེ་བའི་རྩ་བ་ཡོངས་སུ་དག་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འཁོར་ལོས་སྒྱུར་བའི་རྒྱལ་པོའི་སྲིད་ནི། དགེ་བའི་རྩ་བ་ཡོངས
iiif viewer powered by OpenSeadragon
