| e-texts navigator |
| Wylie |
209b1 པགང་ལགས། བཅོམ་ལྡན་འདས་ཀྱིས་བཀའ་སྩལ་པ། གང་མིག་མི་ལེན་པ་གཟུགས་མི་ལེན་པ་དེ་ནས། ཡིད་དང་ཆོས་ཀྱི་བར་དུ་མི་ལེན་ཏེ། ཚངས་པ་གང་ཕྱི་དང་ནང་གི་སྐྱེ་མཆེད་དྲུག་པོ
209b2 འདི་རྣམས་མི་ལེན་པ་འདི་ནི་ཐམས་ཅད་མཁྱེན་པ་ཉིད་ཡོངས་སུ་རྫོགས་པའོ། ། ཚངས་པ་དེ་ལྟར་ཐམས་ཅད་མཁྱེན་པ་ཉིད་ཡོངས་སུ་རྫོགས་པར་བྱས་ན་མིག་ལ་མི་ཆགས། རྣ་བ་ལ་མི་ཆགས
209b3 སྣ་ལ་མི་ཆགས། ལྷ་ལ་མི་ཆགས། ལུས་ལ་མི་ཆགས། ཡིད་ལ་མི་ཆགས་ཏེ། དེ་བས་ན་དེ་བཞིན་གཤེགས་པ་ཐམས་ཅད་མཁྱེན་པ་ཉིད་ཡེ་ཤེས་ཆགས་པ་མེད་ཅིང་སྒྲིབ་པ་མེད་པ་ཡིན་ནོ།།
209b4 ཚངས་པ་ཐམས་ཅད་མཁྱེན་པ་ཉིད་ནི་ཆོས་གང་ཡང་མི་ལེན་ཏོ།། ཚངས་པ་འདི་ལྟར་ཐམས་ཅད་མཁྱེན་པ་ཉིད་ནི་ཆོས་ཐམས་ཅད་ཀྱི་སྣོད་དུ་མ་གྱུར་པ་ཡིན་ཏེ། ཚངས་པ་སྣོད་མ་ཡིན་པ་ཞེས་བྱ་བ་ནི་དངོས་པོ་མེད་པའི
209b5 ཚིག་བླ་དགས་སོ། ། དངོས་པོ་མེད་པ་ཞེས་བྱ་བ་ནི་བླ་གབ་མེད་པའི་ཚིག་བླ་དགས་སོ།། ཐམས་ཅད་མཁྱེན་པ་ནི་བླ་གབ་མེད་པ་དང་མཚུངས་པ་སྟེ། དེ་བས་ན་ཆོས་གང་ཡང་མི་ལེན་ཏོ།། ཚངས
209b6 པ་འདི་ལྟ་སྟེ། དཔེར་ན་ནམ་མཁའ་ལ་གནས་ཏེ་བྱ་བ་ཐམས་ཅད་བྱེད་ཀྱང་། ནམ་མཁའ་དེ་ནི་མི་གནས་པའོ།། དེ་བཞིན་དུ་ཐམས་ཅད་མཁྱེན་པ་ཉིད་ལ་ཡེ་ཤེས་ཐམས་ཅད་རྣམ་པར་བཞག
209b7 ཀྱང་ཐམས་ཅད་མཁྱེན་པ་ཉིད་ནི་མི་གནས་སོ། ། གསོལ་པ། བཅོམ་ལྡན་འདས་ཐམས་ཅད་མཁྱེན་པ་ཉིད་ཅེས་བགྱི་བ་བཅོམ་ལྡན་འདས་ཅིའི་སླད་དུ་ཐམས་ཅད་མཁྱེད་པ་ཉིད་ཅེས་བགྱི། བཀའ
iiif viewer powered by OpenSeadragon
