| e-texts navigator |
| Wylie |
206b1 སེམས་དཔའ་དེ་ལྟར་སྤྱོད་ན། དེ་བཞིན་གཤེགས་པ་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ།། དེ་ཅིའི་ཕྱིར་ཞེ་ན། ཚངས་པ་སྤྱོད་པ་ཇི་ཙམ་པ་དེ་ཙམ་དུ་ལྷག་པར་བྱེད་པ་སྟེ།
206b2 བྱང་ཆུབ་ནི་ལྷག་པར་བྱེད་པ་མ་ཡིན་ནོ།། སྤྱོད་པ་ཇི་ཙམ་པ་དེ་ཙམ་དུ་ཡོངས་སུ་རྟོག་པ་སྟེ། བྱང་ཆུབ་ནི་ཡོངས་སུ་རྟོག་པ་མེད་པའོ།། སྤྱོད་པ་ཇི་ཙམ་པ་དེ་ཙམ་དུ་མངོན་པར་འདུ་བྱེད་པ་སྟེ། བྱང་ཆུབ
206b3 ནི་མངོན་པར་འདུ་བྱེད་པ་མེད་པའོ། ། སྤྱོད་པ་ཇི་ཙམ་པ་དེ་ཙམ་དུ་སྤྲོས་པ་སྟེ། བྱང་ཆུབ་ནི་སྤྲོས་པ་མེད་པའོ།། ཚངས་པདེ་བས་ན་རྣམ་གྲངས་འདིས་ཅི་ནས་སྤྱོད་པ་ཐམས་ཅད་ལས་ཡང་དག་པར་འདས
206b4 པའི་བྱང་ཆུབ་སེམས་དཔའ་རྣམས་ལ་ལུང་བསྟན་པར་འགྱུར་བར་དེ་ལྟར་རིག་པར་བྱའོ། ། དེ་ནས་བཅོམ་ལྡན་འདས་ལ། ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན
206b5 འདས་ལུང་བསྟན་པ་ཞེས་བགྱི་བ་ལུང་བསྟན་པ་དེ་གང་གི་ཚིག་བླ་དགས་ལགས། བཅོམ་ལྡན་འདས་ཀྱིས་བཀའ་སྩལ་པ། ཆོས་ཐམས་ཅད་ལ་གཉིས་བྲལ་བ་སྟེ། དེའི་ཕྱིར་ལུང་བསྟན་པ་ཞེས
206b6 བྱའོ། ། སྐྱེ་བ་དང་འཇིག་པར་སྒྲོ་མི་འདོགས་ཏེ།། དེའི་ཕྱིར་ལུང་བསྟན་པ་ཞེས་བྱའོ།། ལུས་དང་། ངག་དང་། ཡིད་ཀྱི་ལས་རྣམས་ཀྱིས་དབེན་པ་སྟེ། དེའི་ཕྱིར་ལུང་བསྟན་པ
206b7 ཞེས་བྱའོ། ། ཚངས་པ་ངས་མངོན་པར་ཤེས་པ་འདས་པའི་དུས་ན། བསྐལ་པ་མཛེས་པར་སྣང་བ་ཞེས་བྱ་བ་བྱུང་སྟེ། དེ་ལ་དེ་བཞིན་གཤེགས་པ་ཁྲག་ཁྲིག་ཕྲག་བདུན་བཅུ་རྩ་གཉིས་བྱུང་ངོ་།།
iiif viewer powered by OpenSeadragon
