| e-texts navigator |
| Wylie |
202b1 བ་དུན་ཅུ་རྩ་བདུན་འཇིག་རྟེན་གྱི་ཁམས་ཁྱད་པར་གྱི་ཡོན་ཏན་བསྡུས་པ་ཞེས་བྱ་བར་ཀུན་ཏུ་འོད་རྣམ་པར་འཕྲུལ་པའི་འོད་ཟེར་གྱི་རྒྱལ་པོ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར
202b2 རྫོགས་པའི་སངས་རྒྱས་འཇིག་རྟེན་དུ་འབྱུང་སྟེ། དེ་བྱང་ཆུབ་ཀྱི་ཤིང་དྲུང་དུ་ཉེ་བར་སོང་བ་དང་། འཇིག་རྟེན་གྱི་ཁམས་དེའི་བདུད་དམ། བདུད་ཀྱི་རིས་ཀྱི་ལྷ་ཇི་སྙེད་ཡོད་པ་དེ་དག་བླ་ན་མེད་པ་ཡང
202b3 དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་རོ། ། སྦྱིན་པ་དང་གཏོང་བ་རྒྱ་ཆེར་འགྱུར་རོ།། འོད་སྲུངས་འཇིག་རྟེན་གྱི་ཁམས་དེ་ལག་མཐིལ་ལྟར་མཉམ་པར་འགྱུར་རོ།། གོས་ཀ་ཙ་ལིན་དི་ཀ
202b4 ལྟར་འཇམ་ཞིང་རེག་ན་བདེ་བ་ལ་རིན་པོ་ཆེ་ཐམས་ཅད་ཀྱིས་སྤྲས་པར་འགྱུར་རོ། ། འཇིག་རྟེན་གྱི་ཁམས་དེ་ན་ངན་སོང་མེད། མི་ཁོམ་པ་མེད། སྡོང་དུ་མ་དང་ཚེར་མའང་མེད་པར་འགྱུར་རོ།།
202b5 འཇིག་རྟེན་གྱི་ཁམས་དེར་པདྨ་བཀོད་པ་དག་ཀྱང་འབྱུང་བར་འགྱུར་རོ།། རིན་པོ་ཆེའི་པདྨོ་ཆེན་པོ་དྲི་དང་ལྡན་པ་དག་ཀྱང་འབྱུང་བར་འགྱུར་རོ།། འཇིག་རྟེན་གྱི་ཁམས་དེ་དྲི་མ་མེད་ཅིང་རྒྱ་ཆེ་བར་འགྱུར
202b6 ། ། ཡང་འོད་སྲུངས་འཇིག་རྟེན་གྱི་ཁམས་ཁྱད་པར་གྱི་ཡོན་ཏན་བསྡུས་པ་དེ་ན། བཅོམ་ལྡན་འདས་ཀུན་ཏུ་འོད་རྣམ་པར་འཕྲུལ་པ་འོད་ཟེར་གྱི་རྒྱལ་པོ་དེ་བཞིན་གཤེགས་པ་དེའི་བྱང་ཆུབ་སེམས
202b7 དཔའ་དགེ་འདུན་མཐའ་ཡས་པར་སྒྲུབ་པའི་ཆོས་བགྲོ་བ་ལ་མཁས་པ་རྫུ་འཕྲུལ་གྱིས་རྣམ་པར་འཕྲུལ་པ་འོད་ཀྱིས་ཀུན་ཏུ་བརྒྱན་པ། གཟུངས་ཀྱི་གཏེར་ཐོབ་པ། ཏིང་ངེ་འཛིན་ཐོབ་པ། ཐོགས
iiif viewer powered by OpenSeadragon
