| e-texts navigator |
| Wylie |
202a1 དག་ལའང་བདུད་ཀྱི་ལས་ཀྱིས་བར་དུ་གཅོད་པར་འཚལ་བར་མི་བགྱིའོ། ། འདིས་སུ་དག་བྱང་ཆུབ་ལ་ཡོངས་སུ་སྨིན་པར་བགྱིས་པའི་སེམས་ཅན་དེ་དག་ཀྱང་ཉན་ཐོས་དང་རང་སངས་རྒྱས
202a2 ཀྱི་སར་འཚལ་བར་མི་བགྱིའོ། ། བཅོམ་ལྡན་འདས་བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱི་སངས་རྒྱས་ཀྱི་ཞིང་གི་ཡོན་ཏན་བཀོད་པ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འོད
202a3 སྲུངས་བྱང་ཆུབ་སེམས་དཔའ་དྲ་བ་ཅན་གྱི་འོད་སངས་རྒྱས་ཀྱི་ཞིང་གང་དང་གང་ན་གནས་པ་དེ་དང་དེར་སེམས་ཅན་ཚད་མེད་པ་རྣམས་ཀྱི་དོན་བྱེད་དོ། ། འོད་སྲུངས་རིགས་ཀྱི་བུ་འདིས་འོད་བྱུང་བ་ཁྱོད་ཀྱིས་མཐོང་ངམ།།
202a4 གསོལ་པ། བཅོམ་ལྡན་འདས་བདག་གིས་མཐོང་ངོ་།། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡུངས་ཀར་གྱིས་གང་བ་ནི་བགྲང་བའི
202a5 ཚུལ་གྱིས་མཐར་ཕྱིན་པར་ནུས་ཀྱིས། འོད་སྲུངས་བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་འོད་འདི་བསྟན་པས་སུ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་གྱུར་པའི་སེམས་ཅན
202a6 དེ་དག་གི་མཐར་ཕྱིན་པར་མི་ནུས་སོ། ། འོད་སྲུངས་བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱི་འོད་བསྟན་པས་ཀྱང་སེམས་ཅན་རྣམས་ཀྱི་དོན་བྱེད་ན། ཆོས་བསྟན་པས་ལྟ་ཅི་སྨོས། འོད་སྲུངས
202a7 རིགས་ཀྱི་བུ་འདིའི་སངས་རྒྱས་ཀྱི་ཞིང་གི་ཡོན་ཏན་བཀོད་པའི་བྱེ་བྲག་གི་ཕྱོགས་ཙམ་ཞིག་བརྗོད་ཀྱིས་ཉོན་ཅིག། འོད་སྲུངས་བྱང་ཆུབ་སེམས་དཔའ་དྲ་བ་ཅན་གྱི་འོད་བསྐལ་པ་གྲངས་མེད་པ་བརྒྱ་སྟོང་ཕྲག
iiif viewer powered by OpenSeadragon
