| e-texts navigator |
| Wylie |
198a1 མིང་ནི། སྨྲས་པ། འཇིག་རྟེན་གྱི་ཁམས་ངན་རིན་པོ་ཚེ་ཐམས་ཅད་སྟོན་པཞེས་བྱའོ།། སྨྲས་པ། དེན་དེ་བཞིན་གཤེགས་པ་མཚན་ཅི་ཞེས་བྱ་བ་ཞིག་ཆོས་འཆན།
198a2 པ། དེ་བཞིན་གཤེགས་པ་དེའི་མཚན་ནི་རིན་པོ་ཆེ་གདུགས་གཅིག་པ་ཞེས་བྱའོ།། སྤྲས་པ། འཇིག་རྟེན་གྱི་ཁམས་དེ་འདི་ནས་ཇི་སྲིད་ཅིག་ན་ཡོད། སྨྲས་པ། བཅོམ་ལྡན་འདས་མཁྱེན་པས
198a3 མཁྱེན་ཏོ། ། སྨྲས་པ། ཁྱེད་རྣམས་འདིར་ཅི་ལ་འོངས། སྨྲས་པ། བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་འོད་བཏང་ནས། འོད་དེས་ཁོ་བོ་ཅག་ལ་རེག་སྟེ། རེག་མ་ཐག་ཏུ་བཅོམ་ལྡན
198a4 འདས་ཤཱཀྱ་ཐུབ་པའི་མཚན་དང་། བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱི་མིང་ཐོས་ནས། བཅོམ་ལྡན་འདས་དང་། སྐྱེས་བུ་དམ་པ་འདི་ལ་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བའི
198a5 ཕྱིར་བདག་ཅག་འདིར་འོངས་སོ། ། དེ་ནས་བཅོམ་ལྡན་འདས་ལ། གནས་བརྟན་འོད་སྲུངས་ཆེན་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་འཇིག་རྟེན་གྱི་ཁམས་རིན་པོ་ཆེ་ཐམས་ཅད་སྟོན་པ་ཞེས
198a6 བགྱི་བ་བཅོམ་ལྡན་འདས་རིན་པོ་ཆེ་གདུགས་གཅིག་པ་དེ་བཞིན་གཤེགས་པའི་སངས་རྒྱས་ཀྱི་ཞིང་དེ་ཇི་སྲིད་ཅིག་ན་མཆིས། བཅོམ་ལྡན་འདས་ཀྱིས་བཀའ་སྩལ་པ། འཇིག་རྟེན་གྱི་ཁམས་འདི་ནས་འོག
198a7 ཏུ་སངས་རྒྱས་ཀྱི་ཞིང་གངྒཱའི་ཀླུང་བདུན་ཅུ་རྩ་གཉིས་ཀྱི་བྱེ་མ་སྙེད་འདས་པ་ན། བྱང་ཆུབ་སེམས་དཔའ་འདི་བཞི་གང་ནས་འདིར་འོངས་པའི་འཇིག་རྟེན་གྱི་ཁམས་རིན་པོ་ཆེ་ཐམས་ཅད་སྟོན་པ། བཅོམ་ལྡན
iiif viewer powered by OpenSeadragon
