| e-texts navigator |
| Wylie |
196a1 སྦྱངས་པ་ཁྱོད་ཀྱིས་སྟོན་ཅིག། དེ་ནས་གཞོན་ནུར་གྱུར་པ་དྲ་བ་ཅན་གྱི་འོད་ཀྱིས་བཅོམ་ལྡན་འདས་ལ་ལེགས་སོ་ཞེས་བྱ་བ་གསོལ་ཏེ། མཉན་ནས་བླ་གོས་ཕྲག་པ་གཅིག་ཏུ།
196a2 གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ། ལག་པ་གཡས་པ་དྲ་བ་ཅན་སེན་མོ་ཟངས་ལྟ་བུ་ལས་འོད་ཟེར་ཕྱུང
196a3 ནས། འོད་ཟེར་དེས་ཚད་མེད་མུ་མེད་པའི་འཇིག་རྟེན་གྱི་ཁམས་ནི་ཐུལ་ནས། ཕྱོགས་བཅུའི་སངས་རྒྱས་ཀྱི་ཞིང་ཚད་མེད་པ་རྣམས་འོད་ཀྱིས་ཁྱབ་པར་བྱས་ཏེ། འོད་དེས་ཕྱོགས་བཅུའི་འཇིག་རྟེན
196a4 གྱི་ཁམས་ཚད་མེད་གྲངས་མེད་པ་ན། སེམས་ཅན་དམྱལ་བ་པའི་སེམས་ཅན་ནམ། དུད་འགྲོའི་སྐྱེ་གནས་སུ་སྐྱེས་པ་འམ། གཤིན་རྗེའི་འཇིག་རྟེན་པ་འམ། ལོང་བ་འམ། འོན་པ
196a5 འམ། འཐེང་པོ་འམ། ལག་ཞ་འམ། ནད་པུ་ཅན་ནམ། ཆགས་པ་འམ། གཏུམ་པ་འམ། རྨོངས་པ་འམ། གཅེར་བུ་འམ། ལྟོགས་པ་འམ། སྐོམ་པ་འམ།
196a6 བཅིངས་པ་འམ། བཟུང་བ་འམ། དབུལ་པོ་འམ། རིད་པ་འམ། རྒས་པ་འམ། འཆི་བའི་ཆོས་ཅན་ནམ། སེར་སྣ་ཅན་ནམ། གནོད་པར་སེམས་པ་འམ། ངང་ཚུལ
196a7 ངན་པ་ཅན་ནམ། འཇུངས་པ་འམ། དྲན་པ་ཉམས་པ་འམ། འཆལ་བའི་ཤེས་རབ་ཅན་ནམ། མ་དད་པ་འམ། ཐོས་པ་ཉུང་བ་འམ། བསོད་ནམས་ཉུང་བ་འམ། ངོ་ཚ་མི
iiif viewer powered by OpenSeadragon
