| e-texts navigator |
| Wylie |
195b1 རབ་དེས་བདག་ཤེས་རབ་དང་ལྡན་པ་རྣམས་ཀྱི་མཆོག་ཏུ་གསུངས་ཀྱི། བྱང་ཆུབ་སེམས་དཔའི་ཤེས་རབ་ཀྱིས་ནི་མ་ཡིན་ནོ།། སྤྲས་པ། ཅི་ཤེས་རབ་ཀྱི་སྤྲོས་པའི་མཚན་ཉིད་དམ། སྨྲས་པ། དེས
195b2 ཡིན་ནོ། ། སྨྲས་པ། འོ་ན་ཤེས་རབ་མཉམ་པ་ཉིད་ཀྱི་རྗེས་སུ་སྤྱོད་པ་འམ། སྨྲས་པ། རིགས་ཀྱི་བུ་དེ་དེ་བཞིན་ནོ།། སྨྲས་པ། གནས་བརྟན་ཤཱ་རིའི་བུ་མཉམ་པ་ཉིད་ཀྱིས་རྗེས་སུ་སྤྱོད
195b3 པའི་ཤེས་རབ་ཀྱིས་ཇི་ལྟར་ཤེས་རབ་ཚད་ཅན་དུ་བཤད། སྨྲས་པ། རིགས་ཀྱི་བུ་ཆོས་ཀྱི་དབྱིངས་ཀྱི་རྒྱུས་ནི་ཤེས་རབ་ཚད་མེད་དོ།། ཡུལ་ཇི་ལྟ་བ་བཞིན་དུ་ཡེ་ཤེས་འཇུག་པས་ནི་ཚད་ཟིན་པའོ།།
195b4 སྨྲས་པ། བཙུན་པ་ཤཱ་རིའི་བུ་ཡེ་ཤེས་ཚད་མེད་པ་འམ། འོན་ཏེ་ཚད་ཡོད་པ་ཡིན། སྨྲས་པ། རིགས་ཀྱི་བུ་ཡེ་ཤེས་ནི་ཚད་མེད་པའོ།། སྨྲས་པ། འོ་ན་ཚད་མེད་པ་ཇི་ལྟར་ཚད་ཟིན་པར
195b5 སྟོན། དེ་ནས་གནས་བརྟན་ཤཱ་རིའི་བུ་ཅང་མི་ཟེར་བར་གྱུར་ཏོ།། དེ་ནས་སངས་རྒྱས་ཀྱི་མཐུས་བཅོམ་ལྡན་འདས་ལ། ཚེ་དང་ལྡན་པ་འོད་སྲུངས་ཆེན་པོས་འདི་སྐད་ཅེས་གསོལ་ཏོ།། བཅོམ་ལྡན
195b6 འདས་གཞོན་ནུར་གྱུར་པ་དྲ་བ་ཅན་གྱི་འོད་ཅིའི་སླད་དུ་དྲ་བ་ཅན་གྱི་འོད་ཅེས་བགྱི། དེ་ནས་བཅོམ་ལྡན་འདས་ཀྱིས། དྲ་བ་ཅན་གྱི་འོད་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་གང་གིས་ལྷ་དང་བཅས
195b7 པའི་འཇིག་རྟེན་འདི་དགའ་བར་གྱུར་ནས། དགེ་བའི་རྩ་བ་ཡོངས་སུ་སྨིན་ཅིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་འགྱུར་བའི་འོད། རང་གི་དགེ་བའི་རྩ་བས་ཡོངས་སུ
iiif viewer powered by OpenSeadragon
