| e-texts navigator |
| Wylie |
194a1 གཉིས་ནི་བསོད་ནམས་མང་དུ་སྐྱེད་དོ་ཞེས་གསུངས་ཀྱིས། དེའི་ཕྱིར་ཁྱོད་ཀྱིས་ཤོད་ཅིག། བདག་གིས་མཉན་ཏོ།། སྨྲས་པ། གནས་བརྟན་ཤཱ་རིའི་བུ་འདུ་ཤེས་དང
194a2 ཚོར་བ་ཐམས་ཅད་ལ་འགོག་པར་སྙོམས་པར་ཞུགས་ལ་ཆོས་ཉན་ནུས་སམ། སྨྲས་པ། རིགས་ཀྱི་བུ་གང་གིས་མཉན་པར་བྱ་བའི་གཉིས་ལ་འཇུག་པ་འགོག་པ་ལ་མེད་དོ།། སྨྲས་པ། གནས
194a3 བརྟན་ཤཱ་རིའི་བུ་ཆོས་ཐམས་ཅད་རང་བཞིན་གྱིས་འགགས་པར་འདོད་དམ། སྨྲས་པ། རིགས་ཀྱི་བུ་དེ་བཞིན་ཏེ། ཆོས་ཐམས་ཅད་ནི་ཤིན་ཏུ་འགགས་པའོ།། སྨྲས་པ། དེའི་ཕྱིར
194a4 གནས་བརྟན་ཤཱ་རིའི་བུ་རྟག་ཏུ་མི་འཆད་པར་ཆོས་མཉན་པའི་སྐལ་བ་མེད་དོ། ། དེ་ཅིའི་ཕྱིར་ཞེ་ན། ཆོས་ཐམས་ཅད་རང་བཞིན་གྱིས་འགགས་པའི་ཕྱིར་རོ།། སྨྲས་པ། རིགས་ཀྱི་བུ་ཁྱོད
194a5 ཏིང་ངེ་འཛིན་ལས་མ་ལངས་པར་ཆོས་སྟོན་ནུས་སམ། སྨྲས་པ། གནས་བརྟན་ཤཱ་རིའི་བུ་གང་རྟག་ཏུ་མཉམ་པར་མ་གཞག་པས་ཆོས་གང་ཡང་དམིགས་སམ། སྨྲས་པ། དེ་མ་ཡིན་ནོ།།
194a6 སྨྲས་པ། འོ་ན་བྱིས་པ་སོ་སོའི་སྐྱེ་བོ་ཐམས་ཅད་ཀྱང་མཉམ་པར་གཞག་པར་འགྱུར་རོ།། སྨྲས་པ། རིགས་ཀྱི་བུ་ཏིང་ངེ་འཛིན་གང་ལ་བྱིས་པ་སོ་སོའི་སྐྱེ་བོ་རྣམས་མཉམ་པར་གཞག་པ་ཡིན།
194a7 སྨྲས་པ། ཆོས་ཀྱི་དབྱིངས་མི་འཁྲུགས་པའི་ཏིང་ངེ་འཛིན་ལའོ།། སྨྲས་པ། ཀུན་ཏུ་མེ་ཏོག་དེ་ལྟ་ཡིན་དུ་ཟིན་ན། སོ་སོའི་སྐྱེ་བོ་རྣམས་དང་། འཕགས་པ་རྣམས་སུ་བྱེ་བྲག་མེད་པར
iiif viewer powered by OpenSeadragon
