| e-texts navigator |
| Wylie |
193b1 སྤྲས་པ། ཅིག་ནས་བརྟན་གྱིས་ཆོས་ཀྱི་དབྱིངས་ཀྱི་ཡུལ་རྣམ་པ་ཚད་མེད་པ་ཁོང་དུ་ཆུད་དམ། སྨྲས་པ། རིགས་ཀྱི་བུ་དེ་དེ་བཞིན་ནོ།། སྨྲས་པ། ཆོས་ཀྱི་དབྱིངས་ལ་ཚད་ཡོད་པ་མ་ཡིན་པས།
193b2 ན། ཆོས་ཀྱི་དབྱིངས་ནི་ཚད་མེད་པ་ཡིན་ཏེ། བཙུན་པ་ཤཱ་རིའི་བུ་ཇི་ལྟར་ཚད་མེད་པར་ཁོང་དུ་ཆུད་པ་དེ་བཞིན་དུ་ཚད་མེད་པར་བསྟན་པ་ཡིན་ན། དེ་ཇི་ལྟར་གང་གིས་ཁོང་དུ་ཆུད་པ་ཅི་འདྲ་བ་དེའི་བསྟན་པ
193b3 འང་དེ་འདྲ་བར་འགྱུར། སྤྲས་པ། ཀུན་ཏུ་མེ་ཏོག་ཆོས་ཀྱི་དབྱིངས་ནི་ཁོང་དུ་ཆུད་པའི་མཚན་ཉིད་མ་ཡིན་ནོ།། སྨྲས་པ། བཙུན་པ་ཤཱ་རིའི་བུ་ཆོས་ཀྱི་དབྱིངས་ཁོང་དུ་ཆུད་པའི་མཚན་ཉིད་མ་ཡིན་ན།
193b4 ཅི་ཁྱོད་ཆོས་ཀྱི་དབྱིངས་དང་ཐ་དད་དུ་རྣམ་པར་གྲོལ་ལམ། སྨྲས་པ། དེ་ནི་མ་ཡིན་ནོ།། སྨྲས་པ། ཅིའི་ཕྱིར། སྨྲས་པ། ཆོས་ཀྱི་དབྱིངས་ཐ་དད་པར་འགྱུར་བའི་ཕྱིར་རོ།། སྨྲས་པ
193b5 བཙུན་པ་ཤཱ་རིའི་བུ་དེའི་ཕྱིར་ཁོང་དུ་ཆུད་པ་ཇི་ལྟ་བ་བཞིན་དུ་ཆོས་ཀྱི་དབྱིངས་ཀྱང་དེ་བཞིན་ནོ། ། སྨྲས་པ། ཀུན་ཏུ་མེ་ཏོག་བདག་ནི་སྟོན་འདོད་པ་མ་ཡིན་གྱི། བདག་ནི་ཉན་འདོད་པའོ།། སྨྲས་པ། བཙུན
193b6 པ་ཤཱ་རིའི་བུ་ཆོས་ཐམས་ཅད་ཆོས་ཀྱི་དབྱིངས་མི་འགྱུར་བར་ངེས་པ་ལ། ཅི་བཤད་པར་བྱ་འམ། མཉན་པར་བྱ་འམ། སྨྲས་པ། དེ་ནི་མ་ཡིན་ནོ།། སྨྲས་པ། འོ་ན་ཅིའི་ཕྱིར་ཁྱོད་བདག་ནི་ཉན
193b7 པར་འདོད་པ་ཡིན་གྱི། སྟོན་འདོད་པ་མ་ཡིན་སྙམ་དུ་སེམས། སྨྲས་པ། རིགས་ཀྱི་བུ་དེ་བཞིན་གཤེགས་པས་ཀྱང་། གང་གུས་པར་ཆོས་སྟོན་པ་དང་། གང་གུས་པར་ཆོས་ཉན་པ་གང་ཟག
iiif viewer powered by OpenSeadragon
