| e-texts navigator |
| Wylie |
192b1 གཤེགས་པས་སྤྲུལ་པའི་སྐྱེ་བ་ཇི་ལྟ་བར་བདག་གི་སྐྱེ་བའང་དེ་དང་འདྲའོ། ། སྨྲས་པ། དེ་ནི་དེ་བཞིན་གཤེགས་པས་སྤྲུལ་པ་ལ་སྐྱེ་བ་གང་ཡང་མེད་དོ།། སྨྲས་པ། ཅི་དེ་བཞིན་གཤེགས།།
192b2 པས་སྤྲུལ་པ་སྣང་ངམ། སྨྲས་པ། སངས་རྒྱས་ཁྱུ་མཆོག་ལྟ་བུར་གྱུར་པའི་ཕྱིར་སྣང་ངོ་།། སྨྲས་པ། རིགས་ཀྱི་བུ་ཁྱུ་མཆོག་ལྟ་བུར་གྱུར་པའི་ཕྱིར་བདག་གི་སྐྱེ་བའང་དེ་བཞིན་དུ་བལྟའོ།།
192b3 སྨྲས་པ། ཚངས་པ་ཅི་ལས་མངོན་པར་འདུ་བྱེད་པ་ལ་སྤྱོད་དམ། སྨྲས་པ། རིགས་ཀྱི་བུ་བདག་ནི་ལས་མངོན་པར་འདུ་བྱེད་པ་ལ་མི་སྤྱོད་དོ།། སྨྲས་པ། ལས་མེད་པ་ལ་དེ
192b4 ཇི་ལྟར་ལས་ཁྱུ་མཆོག་ལྟ་བུར་འགྱུར། སྨྲས་པ། ལས་ཇི་ལྟ་བ་བཞིན་དུ་དེའི་ཁྱུ་མཆོག་ཀྱང་དེ་བཞིན་ཉིད་ལས་མི་འདབའོ།། དེ་ནས་བཅོམ་ལྡན་འདས་ལ། གནས་བརྟན་ཤཱ་རིའི
192b5 བུས་འདི་སྐད་ཅེས་གསོལ་ཏོ། ། བཅོམ་ལྡན་འདས་གླང་པོ་ཆེ་འདི་དག་གི་ལྡེམ་པོ་ངག་ལ་གང་འཇུག་པར་འགྱུར་བ་དེ་དག་ནི་བསོད་ནམས་མང་དུ་སྐྱེད་པར་འགྱུར་རོ།། དེ་ཅིའི་ཕྱིར་ཞེ་ན
192b6 བཅོམ་ལྡན་འདས་སྐྱེས་བུ་དམ་པ་དེ་དག་གི་མིང་ཙམ་ཐོས་པའང་ལེགས་པར་ཐོས་པ་ལགས་ན། ཆོས་བསྟན་པ་ལྟ་སྨོས་ཀྱང་ཅི་འཚལ། བཅོམ་ལྡན་འདས་འདི་ལྟ་སྟེ། དཔེར་ན་ཤིང་ལྗོན་པས
192b7 ཆེན་པོ་ལ་མ་བརྟེན་པར། རྩ་བ་དང་། སྡོང་པོ་དང་། ཡ་ལ་ག་དང་། ལོ་མ་དང་། མེ་ཏོག་དང་། འབྲས་བུ་སྟོན་པ་ལྟར། བཅོམ་ལྡན་འདས་སྐྱེས་བུ་དམ་པ་འདི་དག་གིས་སྤྱོད་པའི
iiif viewer powered by OpenSeadragon
