| e-texts navigator |
| Wylie |
192a1 སྒྱུར་ན་སྤྱོད་པ་ཐམས་ཅད་སྤྱོད་པ་མ་ཡིན། སྒྲུསྒྲུ་བ། བརྟུལ་བབྱེག་ལ་ཁྲིགས་སོང་དུ་ག་ཅོས་ཀྱི་དབྱིངས་ལབྲི་བ་མ། གང་བར་མི་དམིགས་ཏེ།
192a2 ཕྱིར་སྤྱོད་པ་ཐམས་ཅད་སྤྱོད་པ་མ་ཡིན་ནོ།། སྨྲས་པ། ཚངས་པ་དེ་ཇི་ལྟར་ན་འདོགས་པ་ཐམས་ཅད་ནི་འདོགས་པ་མ་ཡིན་ཞེ་ན། སྨྲས་པ། རིགས་ཀྱི་བུ་ཆོས་ཐམས་ཅད་འདོགས་པ་མ་ཡིན
192a3 པས་བརྟགས་པ་སྟེ། དེའི་ཕྱིར་ཆོས་ཐམས་ཅད་དུ་འདོགས་པ་ནི་འདོགས་པ་ཡིན་པའོ།། སྨྲས་པའོ།། ཚངས་པ་དེ་ཇི་ལྟར་ན་འགྲོ་བ་ཐམས་ཅད་འགྲོ་བ་མ་ཡིན་ཞེ་ན། སྨྲས་པ།
192a4 གར་ཡང་མི་འགྲོ་བའི་ཕྱིར་འགྲོ་བ་ཐམས་ཅད་འགྲོ་བ་མ་ཡིན་པའོ།། དེ་ནས་བཅོམ་ལྡན་འདས་ཀྱིས། ཚངས་པ་ཁྱད་པར་སེམས་ལ་ཚངས་པ་ལེགས་སོ་ལེགས་སོ།། གལ་ཏེ་བཤད་པར་བྱ་ན།
192a5 དེ་ལྟར་བཤད་པར་བྱའོ་ཞེས་ལེགས་སོ་ལེགས་སོ་ཞེས་བྱ་བ་བྱིན་ནོ།། དེ་ནས་གཞོན་ནུར་གྱུར་པ་དྲ་བ་ཅན་གྱི་འོད་ཀྱིས། ཚངས་པ་ཁྱད་པར་སེམས་ལ་འདི་སྐད་ཅེས་སྨྲས་སོ།། ཚངས་པ་ཁྱོད
192a6 གང་འདི་སྐད་དུ་གང་ལ་བྱིས་པ་སོ་སོའི་སྐྱེ་བོ་ཐམས་ཅད་སྤྱོད་པ་དེ་ཉིད་ལ་བདག་སྤྱོད་དོ་ཞེས་ཟེར་ན་སྤྱོད་པ་དེ་ཁྱོད་ཀྱིས་ཐོབ་པ་ཡིན་ནོ། ། སྨྲས་པ། རིགས་ཀྱི་བུ་གལ་ཏེ་བདག་ལ་སྐྱེ་བའི་རྒྱུ་ཡོད་ན
192a7 ནི། བདག་གིས་སྤྱོད་པའང་ཐོབ་པར་འགྱུར་རོ།། སྨྲས་པ། ཚངས་པ་དེ་གལ་ཏེ་མི་སྐྱེ་ན། ཇི་ལྟར་སེམས་ཅན་རྣམས་ཡོངས་སུ་སྨིན་པར་བྱེད། སྨྲས་པ། རིགས་ཀྱི་བུ་དེ་བཞིན
iiif viewer powered by OpenSeadragon
