| e-texts navigator |
| Wylie |
191a1 ཅེས་གསོལ་ཏོ། ། བཅོམ་ལྡན་འདས་ཚངས་པ་ཁྱད་པར་སེམས་འདི་དེ་བཞིན་གཤེགས་པའི་ཐུགས་རྗེ་ཆེན་པོ་དང་ལྡན་པའི་ཆོས་བསྟན་པ་འདི་ཐོས་ན་དགའ་བར་མི་བགྱིད
191a2 རངས་པར་མི་འགྱུར་རོ། ། ཁྱད་པར་སེམས་ཀྱིས་སྨྲས་པ། རིགས་ཀྱི་བུ་གང་གིས་རྣམ་པར་ཤེས་པ་གཉིས་དང་ལྡན་པ་དེ་དག་ལ་ནི་དགའ་བ་དང་རངས་པར་ཡང་འགྱུར་གྱི། གཉིས་སུ་མེད་པ་ཡང
191a3 དག་པའི་མཐའ་ལ་གནས་པ་ལ་ནི་དཀའ་བའང་མེད། རངས་པའང་མེད་དོ།། རིགས་ཀྱི་བུ་འདི་ལྟ་སྟེ། དཔེར་ན་སྣརུམས་སྤྲུལ་པའི་སྐྱེས་བུ་ནི་སྒྱུ་མ་གར་བྱེད་པར་ཞུགས་ལ་དགའ་བའང་མེད
191a4 རངས་པའང་མེད་དོ། ། རིགས་ཀྱི་བུ་དེ་བཞིན་དུ་ཆོས་ཐམས་ཅད་སྒྱུ་མའི་མཚན་ཉིད་ཀྱི་རང་བཞིན་དང་ལྡན་པའི་ཕྱིར། དེ་བཞིན་གཤེགས་པའི་ཆོ་འཕྲུལ་ལ་དགའ་བའང་མི་སྐྱེ། རངས་པར་ཡང་མི
191a5 འགྱུར་རོ། ། རིགས་ཀྱི་བུ་འདི་ལྟ་སྟེ། དཔེར་ན་དེ་བཞིན་གཤེགས་པའི་སྤྲུལ་པས་དེ་བཞིན་གཤེགས་པའི་སྤོབས་པ་ཐོས་ན་དགའ་བར་མི་བྱེད། རངས་པར་མི་འགྱུར་རོ།། རིགས་ཀྱི་བུ་དེ་བཞིན
191a6 དུ་ཆོས་རྣམས་སྤྲུལ་པའི་རང་བཞིན་དུ་ཤེས་ནས། དེ་བཞིན་གཤེགས་པ་ལ་ལྷག་པར་དགའ་བའང་མི་སྐྱེའོ།། སེམས་ཅན་གཞན་དག་ལའང་དམན་པར་མི་འཛིན་ཏོ།། དྲ་བ་ཅན་གྱི་འོད་ཀྱིས་སྨྲས
191a7 པ། ཚངས་པ་ཁྱོད་ཀྱིས་ཆོས་ཐམས་ཅད་སྒྱུ་མས་སྤྲུལ་པའི་རང་བཞིན་དུ་ཤེས་སམ། སྨྲས་པ། རིགས་ཀྱི་བུ་གང་རྣམ་པ་གཉིས་སུ་རྣམ་པར་གཞག་པ་སྤྱོད་པ་དེ་དག་ལ་དྲིས་ཤིག། སྨྲས་པ
iiif viewer powered by OpenSeadragon
