| e-texts navigator |
| Wylie |
188a1 བའི་ཚུལ་དང་། རང་བཞིན་གྱིས་འོད་གསལ་བའི་ཚུལ་དང་། དབེན་པའི་ཚུལ་ལོ།། རང་བཞིན་གྱིས་བེམས་པོ་ཡིན་པའི་ཕྱིར། ཕན་ཚུན་མི་ཕྲད་པས་ན། དེ་བཞིན་གཤེགས
188a2 པས་ཡི་གེ་ཐམས་ཅད་ལས་ཐར་པའི་སྒོའི་ཚུལ་སྨོས་སོ། ། ཚངས་པ་ཡི་གེ་ཐམས་ཅད་ལ་བདེན་པའི་གཏམ་དུ་བལྟས་ཏེ། གཏམ་ཐམས་ཅད་ནི་དེ་བཞིན་གཤེགས་པའི་ཐར་པའི་ཚུལ་བདེན་པ
188a3 བསྟན་པས་བསྟན་ཏོ། ། དེ་བཞིན་གཤེགས་པའི་ཆོས་བསྟན་པ་གང་ཀུན་ནས་ཉོན་མོངས་པར་འགྱུར་བ་དེ་གང་ཡང་མེད་དོ།། ཆོས་བསྟན་ཏོ་ཅོག་ཏུ་ཐར་པ་འདྲེན་ཅིང་མྱ་ངན་ལས་འདས་པ་སྟོན་ཏོ།།
188a4 ཚངས་པ་འདི་ནི་དེ་བཞིན་གཤེགས་པའི་ཚུལ་བསྟན་པ་ཡིན་ཏེ། དེ་ལ་བྱང་ཆུབ་སེམས་དཔས་བསླབ་པར་བྱའོ།། ཚངས་པ་དེ་ལ་དེ་བཞིན་གཤེགས་པ་སྙིང་རྗེ་ཇི་ལྟ་བུས་སེམས་ཅན་རྣམས་ལ
188a5 ། ཆོས་སྟོན་ཅེ་ན། སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་རྣམ་པ་སུམ་ཅུ་རྩ་གཉིས་དང་ལྡན་པ་སྐྱེའོ།། སུམ་ཅུ་རྩ་གཉིས་གང་ཞེ་ན། ཆོས་ཐམས་ཅད་ནི་བདག་མེད
188a6 པ་ཡིན་ན། སེམས་ཅན་རྣམས་ནི་བདག་མེད་པར་མ་མོས་ཏེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད་ནི་སེམས་ཅན་མེད་པ་ཡིན་ན།
188a7 སེམས་ཅན་རྣམས་ནི་སེམས་ཅན་དུ་སྨྲ་སྟེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད་ནི་སྲོག་མེད་པ་ཡིན་ན། སེམས་ཅན་རྣམས་ནི་སྲོག་ཏུ
iiif viewer powered by OpenSeadragon
