| e-texts navigator |
| Wylie |
187b1 ཕྱིར་སྦྱོར་བ་དང་། བརྩོལ་བ་དང་། འབད་པའི་ཆོས་དེ་དག་ཁོང་དུ་མི་ཆུད་ཅིང་མི་ཐོབ་སྟེ། གང་འདི་རྒྱུན་དུ་ཞུགས་པའི་འབྲས་བུ་ནས། དགྲ་བཅོམ་པ་ཉིད་ཀྱི་བར་དང་། རང་བྱང་ཆུབ་དང་། བླ་ན་མེད་པ།
187b2 ཡང་དག་པར་རྫོགས་པའི་བྱང་ཆུབ་ནས། མྱ་ངན་ལས་འདས་པའི་བར་དུ་ཁོང་དུ་མི་ཆུད་ཅིང་མི་ཐོབ་བོ།། ཚངས་པ་འདི་ནི་དེ་བཞིན་གཤེགས་པའི་ཐབས་ཀྱིས་ཆོས་བསྟན་པ་ཡིན་ཏེ། སེམས་ཅན་རྣམས་དམ
187b3 པའི་ཆོས་ཡོངས་སུ་འཛིན་དུ་གཞུག་པའི་ཕྱིར། བྱང་ཆུབ་སེམས་དཔས་ཐབས་མཁས་པ་ལ་སྦྱོར་བར་བྱའོ།། ཚངས་པ་དེ་ལ་དེ་བཞིན་གཤེགས་པའི་ཚུལ་བསྟན་པ་གང་ཞེ་ན། མིག་ནི་ཐར་པའི་ཚུལ་ལོ།།
187b4 དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་རྣམས་ནི་ཐར་པའི་ཚུལ་ལོ།། དེ་ཅིའི་ཕྱིར་ཞེ་ན། མིག་ནི་བདག་གམ་བདག་གིས་སྟོང་སྟེ། དེའི་རང་བཞིན་ནི་འདི་ཡིན་ནོ།། དེ་བཞིན་དུ
187b5 ཡིད་ཀྱི་བར་དུ་བདག་དང་བདག་གིས་སྟོང་སྟེ། དེའི་རང་བཞིན་ནི་འདི་ཡིན་ནོ།། ཚངས་པ་མི་སླུ་བའི་ཕྱིར་སྐྱེ་མཆེད་ཐམས་ཅད་ནི་སེམས་ཅན་རྣམས་ཀྱི་ཐར་པའི་ཚུལ་དུ་རིག་པར་བྱའོ།། འདི་ནི་སེམས་ཅན
187b6 རྣམས་ཀྱི་ཐར་བ་ལ་བརྩོན་པ་མི་སྲུབ་སྐྱེ། གཟུགས་དང་། སྒྲ་དང་། དྲི་དང་། རོ་དང་། རེག་དང་། ཆོས་རྣམས་ཀྱང་དེ་བཞིན་ནོ།། ཆོས་ཐམས་ཅད་ཀྱི་ཚུལ་འདི་ཡིན་ཏེ། གང་འདི་སྟོང་པ་ཉིད་ཀྱི་ཚུལ་དང་། མཚན
187b7 མ་མེད་པའི་ཚུལ་དང་། སྨོན་པ་མེད་པའི་ཚུལ་དང་། མངོན་པར་འདུ་མི་བྱེད་པའི་ཚུལ་དང་། མི་སྐྱེ་བའི་ཚུལ་དང་། མི་འགག་པའི་ཚུལ་དང་། འགྲོ་བ་མེད་ཅིང་འོང་བ་མེད་པའི་ཚུལ་དང་། ཤི་འཕོ་མེད་ཅིང་སྐྱེ་བ་མེད།
iiif viewer powered by OpenSeadragon
