| e-texts navigator |
| Wylie |
185a1 ལྟ་བུར་བལྟའོ། ། ཕྱིན་ཅི་ལོག་ཏུ་མཐོང་བའི་ཚུལ་གྱིས་སྨྲ་བ་སྨིག་རྒྱུ་ལྟ་བུར་བལྟའོ།། མི་འབྱུང་མི་འཇིགས་པའི་ཚུལ་གྱིས་སྨྲ་བ་ནམ་མཁའ་ལྟ་བུར་བལྟའོ།།
185a2 བརྗོད་དུ་མེད་པའི་ཚུལ་གྱིས་སྨྲ་བ་སྔར་མེད་པར་བལྟའོ།། ཚངས་པ་བྱང་ཆུབ་སེམས་དཔའ་གང་ཆོས་སྨྲ་བ་འདི་ཤེས་ན། བྱང་ཆུབ་སེམས་དཔའ་དེ་དག་ནི་སྨྲ་བ་ཐམས་ཅད་སྨྲ་ཡང་ཆོས་གང
185a3 ལའང་མངོན་པར་མི་ཆགས་སོ། ། དེ་མངོན་པར་མ་ཆགས་པས་ཡེ་ཤེས་ཐོགས་པ་མེད་པའི་སྤོབས་པ་གང་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་ཆོས་བཤད་ཀྱང་རྒྱུན་མི་འཆད་པ་དང་།
185a4 སྨྲ་བ་ཐམས་ཅད་ཀྱང་ཆོས་ཀྱི་དབྱིངས་དང་ཐ་མི་དད་པར་སྨྲ་བ་དང་། ཆོས་རྣམས་ཀྱི་ཐ་མི་དད་པ་ལའང་མངོན་པར་ཆགས་པར་མི་འགྱུར་བའི་ཡེ་ཤེས་ཐོགས་པ་མེད་པའི་སྤོབས་པ་ཐོབ་བོ།།
185a5 ཚངས་པ་དེ་བཞིན་གཤེགས་པས་དེ་ལྟར་གསུངས་པར་ཆོས་བརྗོད་དོ།། ཚངས་པ་དེ་ལ་ཇི་ལྟར་ན་བྱང་ཆུབ་སེམས་དཔའ་དེ་བཞིན་གཤེགས་པའི་ལྡེམ་པོ་ངག་ལ་མཁས་པ་ཁོང་དུ་ཆུད་ཅེ་ན
185a6 ཚངས་པ་འདི་ལ་དེ་བཞིན་གཤེགས་པ་ཀུན་ནས་ཉོན་མོངས་པའང་རྣམ་པར་བྱང་བར་སྟོན། རྣམ་པར་བྱང་བའང་ཀུན་ནས་ཉོན་མོངས་པར་སྟོན་ཏེ། དེ་ལ་བྱང་ཆུབ་སེམས་དཔའ་ལྡེམ་པོ་ངག་ཏུ
185a7 ཤེས་པར་བྱའོ། ། ཚངས་པ་དེ་བཞིན་གཤེགས་པ་ཀུན་ནས་ཉོན་མོངས་པ་ལ་རྣམ་པར་བྱང་བར་ཇི་ལྟར་སྟོན་ཅེ་ན། ཀུན་ནས་ཉོན་མོངས་པའི་ངོ་བོ་ཉིད་རློས་སེམ་མེད་པའི་ཕྱིར་ཀུན་ནས་ཉོན་མོངས
iiif viewer powered by OpenSeadragon
