| e-texts navigator |
| Wylie |
184b1 ཀྱིས་ཆོས་ལ་མོས་པར་བྱེད་པ་དང་། ཚུལ་ཉེ་བར་བསྟན་པ་དང་། སྙིང་རྗེ་ཆེན་པོའི་རྗེས་སུ་འཇུག་པ་སྟེ། ཚངས་པ་འདི་དག་ནི་གང་ཉན་ཐོས་དང་རང་སངས་རྒྱས་ཐམས་ཅད་ཀྱིས་མ་ཡིན་པ། དེ
184b2 བཞིན་གཤེགས་པའི་སྟོབས་ལྔའི་སྦྱོར་བའོ། ། གསོལ་པ། བཅོམ་ལྡན་འདས་གསུང་བ་གང་གིས་དེ་བཞིན་གཤེགས་པ་ཆོས་རྣམས་གསུང་། བཅོམ་ལྡན་འདས་ཀྱིས་བཀའ་སྩལ་པ
184b3 ཚངས་པ་འདས་པ་སྨྲ་བ་དང་། མི་འོངས་པ་སྨྲ་བ་དང་། ད་ལྟར་བྱུང་བ་སྨྲ་བ་དང་། ཀུན་ནས་ཉོན་མོངས་པ་སྨྲ་བ་དང་། རྣམ་པར་བྱང་བ་སྨྲ་བ་དང་། དགེ་བ་དང་མི་དགེ་བ་སྨྲ་བ་དང
184b4 འཇིག་རྟེན་པ་དང་འཇིག་རྟེན་ལས་འདས་པ་སྨྲ་བ་དང་། ཟག་པ་དང་བཅས་པ་དང་། ཟག་པ་མེད་པ་སྨྲ་བ་དང་། ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ་བ་མེད་པ་སྨྲ་བ་དང་།
184b5 འདུས་བྱས་དང་འདུས་མ་བྱས་སྨྲ་བ་དང་། བདག་དང་། སེམས་ཅན་དང་། སྲོག་དང་། གསོ་བ་དང་། སྐྱེས་བུ་དང་། གང་ཟག་སྨྲ་བ་དང་། ཐོབ་པ་མངོན་དུ་བྱེད་པ་སྨྲ་བ་དང་།
184b6 འཁོར་བ་དང་མྱ་ངན་ལས་འདའ་བ་སྨྲ་བ་སྟེ། ཚངས་པ་སྨྲ་བ་དེ་དག་ཀྱང་ཡོངས་སུ་མ་གྲུབ་པའི་ཚུལ་གྱིས་སྨྲ་བ་སྒྱུ་མ་ལྟ་བུར་བལྟའོ།། མེད་པ་མཐོང་བའི་ཚུལ་གྱིས་སྨྲ་བ་རྨི་ལམ་ལྟ་བུར་བ
184b7 བལྟའོ། ། ནམ་མཁའི་སྒྲ་སྐད་ཀྱི་ཚུལ་གྱིས་སྨྲ་བ་བྲག་ཆ་ལྟ་བུར་བལྟའོ།། རྐྱེན་འདུས་པའི་ཚུལ་གྱིས་སྨྲ་བ་མིག་ཡོར་ལྟ་བུར་བལྟའོ།། རྒྱུ་མི་འཕོ་བའི་ཚུལ་གྱིས་སྨྲ་བ་གཟུགས་བརྙན
iiif viewer powered by OpenSeadragon
