| e-texts navigator |
| Wylie |
184a1 བཀའ་སྩལ་བ། ཚངས་པ་ཁྱོད་ཀྱིས་སྐྱེས་བུ་དམ་པ་དེ་དག་གི་བསྔགས་པ་འམ་ཡོན་ཏན་ཇི་ཙམ་དུ་ཤེས། ཚངས་པས་གསོལ་པ། དེ་བཞིན་གཤེགས་པས་ཐོགས
184a2 པ་མ་མཆིས་པའི་སངས་རྒྱས་ཀྱི་ཡེ་ཤེས་ཀྱིས་ཇི་སྙེད་མཁྱེན་པ་དང་། དེ་དག་གི་ཡོན་ཏན་དེ་དག་དང་། དེ་ལས་ལྷག་པར་ཡང་འཚལ་བར་བགྱི་སྟེ། གང་དེ་བཞིན་གཤེགས་པས་བཤད་པའི་དོན
184a3 དང་། ཚིག་དང་ཡི་གེ་ཟབ་མོ་རྣམས་རྟོགས་པར་རིག་པ་དང་། ལྡེམ་པོ་ངག་འཚལ་བ་དང་འཐུན་པར་བགྱིད་ཅིང་འགལ་བར་མི་བགྱིད་པ་དང་། ཡང་དག་པར་སྦྱོང་ཞིང་སུན་འབྱིན་པར་མི་བགྱིད་པ
184a4 དང་། དོན་རྟོགས་པར་གཅིག་ཅིང་ཡི་གེའི་ཕྱིར་མི་སྙེགས་པ་དེ་དག་ནི་བརྗོད་པ་གང་གིས་དེ་བཞིན་གཤེགས་པ་རྣམས་ཆོས་གསུངས་པ་དང་། ལྡེམ་པོ་ངག་གང་གིས་དེ་བཞིན་གཤེགས་པ་ཆོས་གསུང
184a5 བ་དང་། ཐབས་གང་དང་། ཚུལ་གང་དང་། སྙིང་རྗེ་ཆེན་པོ་གང་གིས་དེ་བཞིན་གཤེགས་པ་ཆོས་བསྟན་པ་ངེས་པའི་ཚིག་བརྗོད་པ་རབ་ཏུ་འཚལ་ཏོ།། བཀའ་སྩལ་པ། ཚངས་པ་བྱང
184a6 ཆུབ་སེམས་དཔའ་གང་ལ་ལ་དེ་བཞིན་གཤེགས་པའི་སྟོབས་ལྔའི་སྦྱོར་བ་འདི་ཤེས་ན། བྱང་ཆུབ་སེམས་དཔའ་དེ་ནི་སངས་རྒྱས་ཀྱི་མཛད་པས་སེམས་ཅན་རྣམས་ལ་ཉེ་བར་གནས་པ་ཞེས་བྱའོ།།
184a7 གསོལ་པ། བཅོམ་ལྡན་འདས་དེ་བཞིན་གཤེགས་པའི་སྟོབས་ལྔའི་སྦྱོར་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཆོས་སྨྲ་བ་དང་། ལྡེམ་པོ་ངག་ཏུ་སྨྲ་བ་བསྟན་པ་དང་། ཐབས
iiif viewer powered by OpenSeadragon
