| e-texts navigator |
| Wylie |
183b1 རིགས་ཡོངས་སུ་སྲུང་བར་འགྱུར་རོ། ། དེ་དག་དགེ་འདུན་གྱི་རིགས་ཀུན་ཏུ་སྲུང་བར་འགྱུར་རོ།། དེ་དག་ནི་སངས་རྒྱས་ཐམས་ཅད་ཀྱིས་གཟིགས་སོ།། དེ་དག་གིས་ཆོས་ཀྱི་སྤྱན་རབ་ཏུ་ཐོབ་བོ།།
183b2 དེ་དག་སངས་རྒྱས་ཀྱི་ཡེ་ཤེས་སུ་ལུང་བསྟན་པར་འགྱུར་རོ།། དེ་དག་གིས་བཟོད་པ་གསུམ་ཡོངས་སུ་རྫོགས་པར་བགྱིས་སོ།། དེ་དག་བྱང་ཆུབ་ཀྱི་སྙིང་པོ་ཡོངས་སུ་རྫོགས་པ་ལ་གནས་སོ།། དེ
183b3 དག་གིས་བདུད་ཀྱི་སྡེ་རབ་ཏུ་བཅོམ་མོ། ། དེ་དག་གིས་ཐམས་ཅད་མཁྱེན་པ་ཉིད་ཐོབ་བོ།། དེ་དག་ཆོས་ཀྱི་འཁོར་ལོ་རབ་ཏུ་སྐོར་བར་འགྱུར་རོ།། དེ་དག་བཅོམ་ལྡན་འདས་སངས་རྒྱས་ཀྱི་མཛད
183b4 པ་བགྱིད་པར་འགྱུར་ཏེ། བཅོམ་ལྡན་འདས་གང་ཆོས་ཀྱི་ཚུལ་ཟབ་མོ་འདི་ཐོས་ནས་མི་སྐྲག། མི་དངང་། ཤིན་ཏུ་དངང་བར་མི་འགྱུར་བ་དང་། གང་དེ་བཞིན་གཤེགས་པ་རྣམས་ཀྱི་བྱང་ཆུབ
183b5 འདི་ལྟར་ཟབ་པ། འདི་ལྟར་ཤེས་དཀའ་བ། འདི་ལྟར་བལྟ་དཀའ་བ། འདི་ལྟར་ཁོང་དུ་ཆུད་པར་དཀའ་བ། འདི་ཐོས་ནས་མོས་པར་འགྱུར་བ་དང་། འཛིན་པར་འགྱུར་བ་དང་། འཆང
183b6 བར་འགྱུར་བ་དང་། གཞན་ལའང་རྒྱས་པར་བགྱིད་པར་འགྱུར་བ་དང་། ཆོས་འདི་ལ་རབ་ཏུ་ཞུགས་ཤིང་གཞན་ཡང་ནན་ཏན་ལ་འགོད་པར་བགྱིད་པའི་སྐྱེས་བུ་དམ་པ་དེ་དག་གི་བསྔགས་པ་བསྐལ་པ
183b7 འམ། བསྐལ་པ་ལས་ལྷག་པར་བརྗོད་ཅིང་ཡོན་ཏན་ཡོངས་སུ་བསྒྲགས་ཀྱང་། བཅོམ་ལྡན་འདས་བདག་གིས་སྐྱེས་བུ་དམ་པ་དེ་དག་གི་ཡོན་ཏན་མཐར་མི་ཕྱིན་ཏོ།། བཅོམ་ལྡན་འདས་ཀྱིས
iiif viewer powered by OpenSeadragon
