| e-texts navigator |
| Wylie |
181b1 དེ་དག་ཆོས་ཀྱི་རང་བཞིན་སྟོན་པ་ལ་མཁས་པའི་སླད་དུ་ཡང་དག་པར་སླ་བར་འགྱུར་རོ།། དེ་དག་དོན་དམ་པའི་ཆོས་སྟོན་པའི་སླད་དུ་བདེན་པ་སྨྲ་བར་འགྱུར་རོ།། དེ་དག་དེ་བཞིན་གཤེགས་པ་རྣམས་ཀྱི
181b2 ཡོངས་སུ་གཟུང་བར་འགྱུར་རོ། ། དེ་དག་འགྲོགས་ན་བདེ་བའི་སླད་དུ་ངེས་པར་འགྱུར་རོ།། དེ་དག་འཕགས་པའི་ནོར་རྣམས་ཀྱིས་ནོར་དང་ལྡན་པར་འགྱུར་རོ།། དེ་དག་འཕགས་པའི་རིགས་རྣམས
181b3 ཀྱིས་ཆོ་ག་འཚལ་བར་འགྱུར་རོ། ། གསོ་སླ་ཞིང་དགང་སླ་བར་འགྱུར་རོ།། དེ་དག་ཕ་རོལ་ཏུ་མཆི་བའི་སླད་དུ་དབུགས་འབྱིན་པ་ཐོབ་པར་འགྱུར་རོ།། དེ་དག་མ་རྒལ་བ་རྣམས་སྒྲོལ་བར་འགྱུར་རོ།།
181b4 དེ་དག་མ་གྲོལ་བ་རྣམས་དགྲོལ་བར་བགྱིད་པར་འགྱུར་རོ།། དེ་དག་དབུགས་འབྱིན་པ་མ་མཆིས་པ་རྣམས་ཀྱི་དབུགས་འབྱིན་པར་འགྱུར་རོ།། ཡོངས་སུ་མྱ་ངན་ལས་འདས་པ་རྣམས་ཡོངས་སུ་མྱ་ངན་ལས
181b5 ཟླ་བར་འགྱུར་རོ། ། དེ་དག་ལམ་སྟོན་པར་འགྱུར་རོ།། དེ་དག་མྱ་ངན་ལས་འདས་པ་སྟོན་པར་འགྱུར་རོ།། དེ་དག་སྨན་ཐམས་ཅད་ཡོངས་སུ་འཚལ་བའི་སླད་དུ་སྨན་པ་རྣམས་ཀྱི་རྒྱལ་པོར་འགྱུར་རོ།།
181b6 དེ་དག་ནད་ཐམས་ཅད་རབ་ཏུ་ཞི་བར་བགྱིད་པའི་སླད་དུ་སྨན་ལྟ་བུར་འགྱུར་རོ།། དེ་དག་ཡེ་ཤེས་ཀྱི་སྟོབས་དང་ལྡན་པར་འགྱུར་རོ།། དེ་དག་མཐུས་སྤྲོ་བ་དང་ལྡན་པར་འགྱུར་རོ།། དེ་དག་གཞན་གྱི
181b7 དྲིང་ལ་མི་འཇོག་པའི་སླད་དུ་རྩལ་དང་ལྡན་པར་འགྱུར་རོ། ། དེ་དག་འཇིགས་པས་སྤུ་ལྡང་བ་མ་མཆིས་པའི་སླད་དུ་སེང་གེ་ལྟ་བུར་འགྱུར་རོ།། དེ་དག་ཅང་ཤེས་པའི་སླད་དུ་བ་གླང་ལྟ་བུར་འགྱུར་རོ།།
iiif viewer powered by OpenSeadragon
