| e-texts navigator |
| Wylie |
181a1 པ་ཐམས་ཅད་ལས་རྣམ་པར་གྲོལ་བར་འགྱུར་རོ། ། དེ་བཞིན་གཤེགས་པ་ལ་བསྙེན་བཀུར་བགྱིས་ཤིང་། སྔོན་གྱི་རྒྱལ་བ་ལ་ལྷག་པར་བགྱི་བ་བགྱིས་པ་ལགས་སོ།།
181a2 དེ་དག་དགེ་བའི་བཤེས་གཉེན་གྱིས་ཡོངས་སུ་བཟུང་བ་ལགས་སོ།། དེ་དག་དགེ་བའི་རྩ་བ་འབར་བའི་སླད་དུ་རྒྱ་ཆེན་པོ་ལ་མོས་པར་འགྱུར་རོ།། དེ་དག་དེ་བཞིན་གཤེགས་པའི་མཛོད
181a3 འཆང་བའི་སླད་དུ་གཏེར་རབ་ཏུ་རྙེད་པར་འགྱུར་རོ། ། དེ་དག་ལེགས་པར་བགྱི་བའི་ལས་བགྱིས་པའི་སླད་དུ་ལས་ཀྱི་མཐའ་ཤིན་ཏུ་འཐུན་པར་འགྱུར་རོ།། དེ་དག་སངས་རྒྱས་ཀྱིས་རིགས
181a4 འཛིན་པའི་སླད་དུ་རིགས་བཙུན་པར་འགྱུར་རོ། ། དེ་དག་ཉོན་མོངས་པ་ཐམས་ཅད་ཡོངས་སུ་གཏང་བའི་སླད་དུ་གཏོང་བ་ཆེན་པོ་དང་ལྡན་པར་འགྱུར་རོ།། དེ་དག་ཚུལ་ཁྲིམས་ཀྱི་སྟོབས་དང་ལྡན
181a5 པར་འགྱུར་ཏེ། ཉོན་མོངས་པའི་སྟོབས་ཅན་མ་ལགས།། ལུས་སྲོག་བོར་བའི་སླད་དུ་དེ་དག་བཟོད་པའི་སྟོབས་ཅན་དུ་འགྱུར་རོ།། དེ་དག་ཡིད་ཡོངས་སུ་སྐྱོབ་མ་མཆིས་པའི་སླད་དུ་བརྩོན་འགྲུས་ཀྱི
181a6 སྟོབས་ཅན་དུ་འགྱུར་རོ། ། དེ་དག་སྡིག་པའི་ལས་བསྲེགས་པའི་སླད་དུ་བསམ་གཏན་གྱི་སྟོབས་ཅན་དུ་འགྱུར་རོ།། དེ་དག་སྡིག་པར་ལྟ་བ་རྣམས་དང་བྲལ་བའི་སླད་དུ་ཤེས་རབ་ཀྱི་སྟོབས་ཅན་དུ
181a7 འགྱུར་རོ། ། དེ་དག་བདུད་རྣམས་ཀྱིས་རབ་ཏུ་ཐུབ་པར་དཀའ་བར་འགྱུར་རོ།། དེ་དག་ཕྱིར་རྒོལ་བ་རྣམས་ཀྱིས་མི་རྫི་བར་འགྱུར་རོ།། དེ་དག་དེ་བཞིན་གཤེགས་པ་རྣམས་ལ་མི་སླུ་བར་འགྱུར་རོ།།
iiif viewer powered by OpenSeadragon
