| e-texts navigator |
| Wylie |
179b1 འདི་ཇི་སྙམ་དུ་སེམས། གང་ངས་འདུས་བྱས་སམ། འདུས་མ་བྱས་ཀྱི་ཆོས་བཤད་པ་འདི་དག་དེ་བཞིན་ནམ། དེ་ལྟ་མ་ཡིན། གསོལ་པ། བཅོམ་ལྡན་འདས་མ་མཆིས་པ་ལགས་སོ།། བདེ་བ
179b2 གཤེགས་པ་མ་མཆིས་པ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཚངས་པ་ཆོས་གང་རྣམས་མེད་པ་དེ་དག་ཡོད་པ་འམ། འོན་ཏེ་མེད་པ། གསོལ་པ། བཅོམ་ལྡན
179b3 འདས་གང་མ་མཆིས་པ་དེ་ནི་མཆིས་པ་འམ། མ་མཆིས་པ་ཞེས་མི་བགྱིའོ།། བཅོམ་ལྡན་འདས་ཀྱིས་བཀའ་སྩལ་པ། ཆོས་གང་ཡང་ཡོད་པའང་མ་ཡིན། མེད་པའང་མ་ཡིན་པ
179b4 དེ་ལ་མངོན་པར་རྫོགས་པར་བྱང་ཆུབ་པ་གང་ཡང་ཡོད་དམ། གསོལ་པ། བཅོམ་ལྡན་འདས་དེ་ལ་མངོན་པར་རྫོགས་པར་བྱང་ཆུབ་པ་གང་ཡང་མ་མཆིས་སོ།། བཅོམ་ལྡན་འདས་ཀྱིས
179b5 བཀའ་སྩལ་པ། ཚངས་པ་དེ་ལྟར་དེ་བཞིན་གཤེགས་པ་བྱང་ཆུབ་ཀྱི་སྙིང་པོ་ལ་བཞུགས་ནས་མེད་པ་ཕྱིན་ཅི་ལོག་ལས་བྱུང་བའི་ཀུན་ནས་ཉོན་མོངས་པ་ཤིན་ཏུ་རང་བཞིན་གྱི་མི་སྐྱེ་བའི་ངོ་བོ་ཉིད
179b6 དུ་མཁྱེན་ཏེ། ཇི་ལྟར་ཤིན་ཏུ་མི་མཁྱེན་པ་དང་། ཤིན་ཏུ་རྣམ་པར་མི་རིག་པ་དེ་ལྟར་མཁྱེན་ཏོ།། དེ་ཅིའི་ཕྱིར་ཞེ་ན། ཚངས་པ་ངས་འདི་ལྟར་ཆོས་གང་མངོན་པར་སངས་རྒྱས་པ་དེ་ནི
179b7 མ་མཐོང་། མ་ཐོས། མདྲན། མ་རྟོགས། རྣམ་པར་མི་རིག་ཅིང་གཟུང་བའང་མེད། སྦྱར་བའང་མེད། བརྗོད་དུའང་མེད། རྗེས་སུ་སྦྱོར་བའང་མེད། ཡུལ་ཐམས་ཅད
iiif viewer powered by OpenSeadragon
