| e-texts navigator |
| Wylie |
178b1 པ་དེ་ནི་ཡང་དག་པའི་མཐའ་ལ་གནས་པའོ། ། གང་ཡང་དག་པའི་མཐའ་ལ་གནས་པ་དེ་ནི་ཡིད་མི་གནས་པའོ།། གང་ཡིད་མི་གནས་པ་དེ་ནི་བདེན་པར་སྨྲ་བའང་མ་ཡིན། བརྫུན་དུ་སྨྲ་བའང་མ
178b2 ཡིན་ཏེ། དེའི་ཕྱིར་ཚངས་པ་རྣམ་གྲངས་འདིས་གང་ལ་བདེན་པའང་མེད། བརྫུན་པའང་མེད་པ་དེ་ནི་འཕགས་པ་རྣམས་ཀྱི་བདེན་པ་ཡིན་པར་རིག་པར་བྱའོ།། ཚངས་པ་བདེན་པ་ཞེས་བྱ་བ་དེ་ནི་ནས
178b3 ཡང་མི་བདེན་པ་མ་ཡིན་ཏེ། དེ་བཞིན་གཤེགས་པ་རྣམས་སྐྱེས་ཀྱང་རུང་། མ་སྐྱེས་ཀྱང་རུང་། ཆོས་ཉིད་ཆོས་ཀྱི་དབྱིངས་འདི་ནི་གནས་པའོ།། དེ་བཞིན་དུ་འཁོར་བ་དང་། དེ་བཞིན་དུ
178b4 ངན་ལས་འདས་པའང་རྟག་ཏུ་མི་འཆད་པར་འཕགས་པ་རྣམས་ཀྱི་བདེན་པའོ། ། དེ་ཅིའི་ཕྱིར་ཞེ་ན། ཚངས་པ་འཁོར་བ་སྤངས་པའི་ཕྱིར་འཕགས་པ་རྣམས་ཀྱི་བདེན་པ་མ་ཡིན། མྱ་ངན་ལས
178b5 འདས་པ་ཐོབ་པར་བྱ་བའི་ཕྱིར་ཡང་འཕགས་པ་རྣམས་ཀྱི་བདེན་པ་མ་ཡིན་ཏེ། ཚངས་པ་གང་དག་གིས་འཕགས་པའི་བདེན་པ་བཞི་པོ་འདི་རྣམས་དེ་ལྟར་མངོན་པར་རྟོགས་པ་མངོན་དུ་བྱས་པ་དེ་དག་ནི།
178b6 བདེན་པར་སྨྲ་བ་ཡིན་ནོ།། ཡང་ཚངས་པ་མ་འོངས་པའི་དུས་ན། དགེ་སློང་ལུས་མ་བསྒོམས་པ། སེམས་མ་བསྒོམས་པ། ཚུལ་ཁྲིམས་མ་བསྒོམས་པ། ཤེས་རབ་མ་བསྒོམས་པ་ལ
178b7 ཅིག་འབྱུང་སྟེ། དེ་དག་ནི་སྡུག་བསྔལ་སྐྱེ་བ་ལ་སྡུག་བསྔལ་འཕགས་པའི་བདེན་པ་ཞེས་སྨྲ་བར་འགྱུར་རོ།། ཀུན་འབྱུང་བའི་ཕྱིར་ཀུན་འབྱུང་འཕགས་པའི་བདེན་པ་ཞེས་སྨྲ་བར་འགྱུར་རོ།།
iiif viewer powered by OpenSeadragon
