| e-texts navigator |
| Wylie |
177b1 བྱོལ་སོང་བ་གླང་དང་། བོང་བུ་དང་། སེམས་ཅན་དམྱལ་བ་བ་ཐམས་ཅད་ཀྱིའང་འཕགས་པའི་བདེན་པར་འགྱུར་རོ།། དེ་ཅིའི་ཕྱིར་ཞེ་ན། འདི་ལྟར་དེ་དག་ནི་སྡུག་བསྔལ་བའི་ཚོར་བ་རྣམས་མྱོང་ངོ་།།
177b2 ཚངས་པ་འདི་ནི་སྡུག་བསྔལ་ཀུན་འབྱུང་བ་ཞེས་བྱ་བ་དེ་ཅི་སྟེ་འཕགས་པ་རྣམས་ཀྱི་བདེན་པ་ཡིན་དུ་ཟིན་ན། དེ་ནི་གང་འགྲོ་བ་རྣམས་སུ་འབྱུང་བའི་འགྲོ་བ་ཐམས་ཅད་དུ་སྐྱེས་པའི་སེམས་ཅན་རྣམས་ཀྱི་ཡང
177b3 འཕགས་པའི་བདེན་པར་འགྱུར་རོ། ། འདི་ནི་འགོག་པའོ་ཞེས་བྱ་བ་དེ་ཅི་སྟེ་འཕགས་པའི་བདེན་པ་ཡིན་དུ་ཟིན་ན། དེ་ན་གང་རྣམས་དངོས་པོ་བཤིག་པས་མྱ་ངན་ལས་འདས་པ་ཚོལ་བ་དང་།
177b4 འགོག་པར་ལྟ་བར་ལྷུང་བ་ཆད་པར་སྨྲ་བ་ཐམས་ཅད་ལའང་འཕགས་པའི་བདེན་པར་འགྱུར་རོ།། འདི་ནི་ལམ་མོ་ཞེས་བྱ་བ་དེ་ཅི་སྟེ་འཕགས་པ་རྣམས་ཀྱི་བདེན་པ་ཡིན་དུ་ཟིན་ན། དེ་ནི་འདུས་བྱས་ཀྱིས
177b5 འདུས་བྱས་ལས་འབྱུང་བར་ཚོལ་བ། འདུས་བྱས་ལམ་དུ་དམིགས་པ་ཐམས་ཅད་ལའང་འཕགས་པའི་བདེན་པར་འགྱུར་ཏེ། དེ་བས་ན་ཚངས་པ་རྣམ་གྲངས་འདིས་ཇི་ལྟར་སྡུག་བསྔལ་དང་།
177b6 ཀུན་འབྱུང་བ་དང་། འགོག་པ་དང་། ལམ་རྣམས་འཕགས་པ་རྣམས་ཀྱི་བདེན་པ་མ་ཡིན་པར་ཁྱོད་ཀྱིས་རིག་པར་བྱའོ།། དེ་ལྟ་མོད་ཀྱི་ཚངས་པ་གང་སྡུག་བསྔལ་མི་སྐྱེ་བ་དེ་ནི་འཕགས་པ་རྣམས
177b7 ཀྱི་བདེན་པའོ། ། གང་ཀུན་འབྱུང་བ་མི་འཇུག་པ་འདི་ནི་འཕགས་པ་རྣམས་ཀྱི་བདེན་པའོ།། གང་ཆོས་ཐམས་ཅད་ཤིན་ཏུ་འགགས་པ་ལ་མི་སྐྱེ་མི་འགོག་པ་འདི་ནི་འཕགས་པ་རྣམས་ཀྱི་བདེན་པའོ།།
iiif viewer powered by OpenSeadragon
