| e-texts navigator |
| Wylie |
175a1 ཤིང་། ། འཇིག་རྟེན་འཇིག་པ་མཐོང་ནས་ནི།། འདི་དག་ལ་ཡང་གཡོ་མི་འགྱུར།། རྙེད་པས་མཐོ་བར་མི་སེམས་ཏེ།། མ་རྙེད་པས་ཀྱང་དམས་པ་མེད།། རི།
175a2 རབ་བཞིན་དུ་མཐུ་བརྟན་པ།། རྣམ་པ་ཀུན་ཏུ་གནོད་མི་འགྱུར།། དེ་བཞིན་གྲགས་དང་མ་གྲགས་ཀྱང་།། རྟག་ཏུ་མཚུངས་པར་འགྱུར་བ་ཡིན།། བདེ་དང་སྡུག་བསྔལ་བསྟོད་སྨད་ལ།།
175a3 མཉམ་པ་ཉིད་དུ་གནས་པར་འགྱུར།། འཇིག་རྟེན་འདི་ནི་གཉིས་ལས་བྱུང་།། ཕྱིན་ཅི་ལོག་ལས་ཀུན་ནས་ལངས།། དེ་ཕྱིར་འཇིག་རྟེན་འགྲོ་རྟོགས་ནས།། མཁས་པ་རྣམས་ནི་འགྲོ་མེད་འགྲོ།།
175a4 འཇིག་རྟེན་འདི་འགྲོ་གང་ཡིན་པ།། འགྲོ་བ་དེ་ནི་དེ་དག་ཤེས།། དེ་ཕྱིར་འཇིག་རྟེན་འགྲོར་ཞུགས་ནས།། མི་བདེ་བ་ལས་སྐྱེ་བོ་འགྲོལ།། དཔའ་བོ་དེ་དག་འཇིག་རྟེན་སྤྱོད།། པདྨོ་བཞིན་དུ
175a5 ཆགས་པ་མེད། ། ཆོས་ཀྱི་དབྱིངས་ལ་རབ་གནས་ནས།། འཇིག་རྟེན་དག་ཀྱང་འཇིག་མེད་བྱེད།། འཇིག་རྟེན་ཆོས་ཉིད་མི་ཤེས་པར།། འཇིག་རྟེན་གང་ལ་སྤྱོད་པར་ཡང་།། འཇིག་རྟེན
175a6 མཚན་ཉིད་ཤེས་ནས་ནི། ། མཁས་པ་དེ་དག་ཉིད་ན་སྤྱོད།། འཇིག་རྟེན་ནམ་མཁའི་མཚན་ཉིད་དེ།། ནམ་མཁའ་ལ་ཡང་མཚད་ཉིད་མེད།། དེ་དག་དེ་ཡི་འགྲོ་རིགས་ནས།། འཇིག་རྟེན།
175a7 ཆོས་ཀྱིས་གོས་པ་མེད།། ཇི་ལྟར་འཇིག་རྟེན་རབ་ཤེས་པ།། དེ་བཞིན་སྲོག་ཆགས་རྣམས་ལ་སྨྲ།། ཆོས་ཀྱི་རང་བཞིན་ཤེས་ནས་ནི།། འཇིག་རྟེན་དག་ཀྱང་འཇིག་མི་བྱེད།། ཕུང་པོ་རྣམས
iiif viewer powered by OpenSeadragon
