| e-texts navigator |
| Wylie |
174b1 དེ་ནས་བཅོམ་ལྡན་འདས་ལ། ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་གྱི་ཆོས
174b2 རྣམས་ལས་ཤིན་ཏུ་འདའ། འཇིག་རྟེན་གྱི་ཆོས་ཀྱི་ནང་ནའང་གདའ་ལ། འཇིག་རྟེན་གྱི་ཆོས་རྣམས་ཀྱིས་ཀྱང་མི་གོས། འཇིག་རྟེན་གྱི་ཆོས་ཀྱི་འཇུག་པའང་རབ་ཏུ་འཚལ་ལ། འཇིག་རྟེན
174b3 གྱི་ཆོས་ཀྱི་འཇུག་པར་ཡང་མི་མཆི། འཇིག་རྟེན་གྱི་ཆོས་ཀྱི་འཇུག་པས་ཀྱང་སེམས་ཅན་རྣམས་འཇིག་རྟེན་གྱི་ཆོས་ལས་ཡོངས་སུ་ཐར་པར་བགྱིད། འཇིག་རྟེན་གྱི་ཆོས་ཀྱི་མཉམ་པ་ཉིད་ཀྱང་ཐོབ
174b4 ལ། འཇིག་རྟེན་ནའང་རྣམ་པར་སྤྱོད་ཅིང་། འཇིག་རྟེན་གྱི་ཆོས་རྣམས་ཀྱང་རྣམ་པར་འཇིག་པར་མི་བགྱིད་པ་ལགས། དེ་ནས་བཅོམ་ལྡན་འདས་ཀྱིས། ཚངས་པ་ཁྱད་པར་སེམས་ལ་ཚིགས་སུ
174b5 བཅད་པ་དག་གིས་སླར་བཀའ་སྩལ་པ། འཇིག་རྟེན་ཕུང་པོར་ངས་བཤད་དེ།། འཇིག་རྟེན་དག་ནི་འདི་ལ་གནས།། འདི་ལ་གནས་པར་མ་བྱས་ནས།། འཇིག་རྟེན་ཆོས་ལྔ་རྣམ་པར་གྲོལ།།
174b6 བྱང་ཆུབ་སེམས་དཔའ་མཁས་པ་དེར།། འཇིག་རྟེན་རང་བཞིན་ཉིད་ཤེས་ནས།། ཕུང་པོ་རྣམས་དང་རབ་ལྡན་ཡང་།། འཇིག་རྟེན་ཆོས་དང་ལྡན་མ་ཡིན།། རྙེད་པ་དང་ནི་མ་རྙེད་དང་།
174b7 དེ་བཞིན་གྲགས་དང་མ་གྲགས་དང་།། བསྟོད་སྨད་བདེ་དང་སྡུག་བསྔལ་དང་།། དེ་དག་གིས་ནི་འཇིག་རྟེན་སྐྱོང་།། ཤེས་རབ་ཆེན་པོ་བརྟན་དེ་རྣམས།། འཇིག་རྟེན་ཆོས་རྣམས་རབ་རྟོགས
iiif viewer powered by OpenSeadragon
