| e-texts navigator |
| Wylie |
174a1 ཏུ་འགྲོ་བར་གསུངས། ། འདོད་ཆགས་མོས་པ་དག་གིས་སྤྱོད་པར་རབ་ཏུ་ཤེས།། ཞེ་སྡང་མོས་པ་རྣམས་དང་དེ་བཞིན་གཏི་མུག་དང་།། སྤྱོད་པ་རྣམ་པར་འགྱུར་བ་ལ
174a2 ཡང་དེ་མཁས་ཏེ། ། དེ་ཕྱིར་དེ་ནི་རྒྱལ་བས་ཀུན་ཏུ་འགྲོ་བར་བསྟན།། འདོད་པའི་ཁམས་ལ་ཤིན་ཏུ་གནས་པར་མི་བྱེད་དེ།། གཟུགས་ཀྱི་ཁམས་ལ་ཡང་ནི་མིནུས་པར་མི་འགྱུར་རོ།། དེ་ནི
174a3 གཟུགས་མེད་པ་ཡི་ཁམས་ལ་མི་གནས་ཏེ། ། དེ་ཕྱིར་དེ་ནི་རྒྱལ་བས་ཀུན་ཏུ་འགྲོ་བར་བརྗོད།། རྟག་ཏུ་མཚན་མ་དང་ནི་སྨོན་པ་གསོག་གྱུར་དང་།། དངོས་པོ་ཐམས་ཅད་སྟོང་པ་ཉིད་དུ་དེ་མོས་ཤིང་།།
174a4 ཟག་པ་རྣམས་ནི་བར་དུ་ཟད་པར་མི་བྱེད་དེ།། དེ་ཕྱིར་དེ་ནི་རྒྱལ་བས་ཀུན་ཏུ་འགྲོ་བར་བསྟན།། དེ་ནི་རང་རྒྱལ་ཐེག་པ་ལ་ཡང་མཁས་པ་ཡིན།། སྒྲ་ཕྱིར་འབྲང་བ་ཉན་ཐོས་འགྱུར་བའང་དེ་ཡིས་ཤེས།། །
174a5 རྫོགས་པའི་སངས་རྒྱས་ཐེག་པའི་ཕ་རོལ་སོང་བ་ཡིན།། དེ་ཕྱིར་བདེ་བར་གཤེགས་པས་ཀུན་ཏུ་འགྲོ་བར་བརྗོད།། དེ་དག་རྟག་པར་ཀུན་ཏུ་བློ་གྲོས་དྲི་མ་མེད།། དེ་དག་ཚུལ་དང་ཚུལ་མ་ཡིན་ལ
174a6 མི་རྨོངས་ཏེ། ། མཛའ་བ་དང་ནི་མི་མཛའ་བ་ལའང་མཉམ་པའི་ཡིད།། དེ་ཕྱིར་བྱང་ཆུབ་སེམས་དཔའ་ཀུན་ཏུ་འགྲོ་བ་ཡིན།། འདས་པ་དག་གི་ཆོས་ལའང་རྣམ་པར་མི་རྟོག་ཅིང་།། མ་འོངས
174a7 པ་དང་ད་ལྟར་གྱི་ལའང་དེ་བཞིན་ཏེ། ། ཐམས་ཅད་དུ་ཡང་དཔའ་བོ་རྣམ་པར་མི་རྟོག་སྤྱོད།། དེ་ཕྱིར་སེམས་ཅན་དག་པ་ཀུན་ཏུ་འགྲོ་བའོ།། ། བམ་པོ་གཉིས་པ།
iiif viewer powered by OpenSeadragon
