| e-texts navigator |
| Wylie |
173b1 ལགས། བཀའ་སྩལ་པ། ནང་ཡོངས་སུ་ཤེས་པས་སོ།། གསོལ་པ། ཇི་ལྟར་ན་ཁྲེལ་མཆིས་པ་ཕུན་སུམ་ཚོགས་པ་རྣམས་ལགས། བཀའ་སྩལ་པ། ཕྱི་རོལ་གྱི་སྐྱེ་མཆེད་འདོར
173b2 བས་སོ། ། གསོལ་པ། བཅོམ་ལྡན་འདས་བྱང་ཆུབ་སེམས་དཔའ་རྣམས་ཇི་ལྟར་ན་ཡོན་ཏན་ཐམས་ཅད་ཚོགས་ཤིང་ཀུན་ཏུ་འགྲོ་བ་རྣམས་ལགས། བཅོམ་ལྡན་འདས་ཀྱིས་བཀའ་སྩལ་པ།
173b3 ལུས་དང་། ངག་དང་། ཡིད་ཀྱི་ལས་ཡོངས་སུ་དག་པས་སོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ།། ལུས་ནི་རྣམ་པར་དག་ཅིང་སྡིག་པ་མི་བྱེད་དེ།།
173b4 ངག་ཀྱང་རྣམ་པར་དག་པས་རྟག་ཏུ་རྫུན་རྣམས་སྤོངས།། ཡིད་ཀྱང་གཙང་བས་རྟག་ཏུ་བསམ་པ་དྲི་མ་མེད།། དེ་ཕྱིར་དེ་ནི་རྒྱལ་བས་ཀུན་ཏུ་འགྲོ་བས་གསུངས།། མི་སྡུག་སྒོམ་ཞིང་འདོད་ཆགས
173b5 ཀྱིས་ཀྱང་ཆགས་པ་མེད། ། བྱམས་ལ་གནས་ཤིང་ཞེ་སྡང་གིས་ནི་གཏུམ་པ་མེད།། ཤེས་རབ་དག་ལ་གནས་ཤིང་གཏི་མུག་བླུན་མ་ཡིན།། མཁས་པ་རྣམས་ནི་དེ་ལ་ཀུན་ཏུ་འགྲོ་བར་གསུངས།།
173b6 དེ་ནི་གྲོང་དུ་ཇི་བཞིན་དེ་བཞིན་དགོན་པར་ཡང་།། དགོན་པ་དང་ནི་གྲོང་དང་འཁོར་དུ་དེ་འདྲ་བར།། དེ་ནི་སྤྱོད་ལམ་རྣམ་པར་འགྱུར་བར་མི་བྱེད་དེ།། དེ་ཕྱིར་རྒྱལ་བས་དེ་ལ་ཀུན་ཏུ་འགྲོ་བར་བརྗོད།།
173b7 རྒྱལ་བ་ཀུན་གྱི་ཆོས་ཉིད་ལ་ནི་དེ་མོས་ཏེ།། མཁས་པས་ཆོས་ཉིད་ལ་ཡང་འདོད་ཆགས་བྲལ་བ་དང་།། དགེ་འདུན་ལ་ཡང་འདུས་མ་བྱས་པར་ཤིན་ཏུ་མོས།། དེ་ཕྱིར་རྒྱལ་པ་རྣམས་ཀྱིས་ཀུན
iiif viewer powered by OpenSeadragon
