| e-texts navigator |
| Wylie |
170a1 ནི་འཁོར་བའི་ཆོས་ཅན་ཡང་མ་ཡིན། ཡོངས་སུ་མྱ་ངན་ལས་འདའ་བའི་ཆོས་ཅན་ཡང་མ་ཡིན་ནོ།། དེ་ནས་འཁོར་དེའི་ནང་ནས་དགེ་སློང་ལྔ་བརྒྱ་བསྟན་པ་འདི་ཐོས་པ་དང
170a2 སྟན་ལས་ལངས་ཏེ་དོང་ངོ་། ། ཚིག་འདི་སྐད་ཅེས་སྨྲས་ཏེ། གལ་ཏེ་འདི་ལ་གང་ཡང་མི་འཁོར། གལ་ཏེ་གང་ཡང་ཡོངས་སུ་མྱ་ངན་ལས་མི་འདའ་ན། བདག་ཅག་ཚངས་པར་སྤྱོད་པ་ལ་གནས་པ
170a3 འང་དོན་མེད་དོ། ། བདག་ཅག་ལམ་བསྒོམ་པ་དང་། བསམ་གཏན་དང་། ཏིང་ངེ་འཛིན་དང་། སྙོམས་པར་འཇུག་པའང་ཅིར་དགོས་ཞེས་ཟེར་རོ།། དེ་ནས་བཅོམ་ལྡན་འདས་ལ། གཞོན་ནུར
170a4 གྱུར་པ་དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་གང་དག་ཆོས་གང་ལ་སྐྱེ་བ་འམ། འགག་པར་འཚལ་བ་དེ་དག་ལ་སངས་རྒྱས་འབྱུང་བ་མ་མཆིས་སོ།། བཅོམ་ལྡན
170a5 འདས་གང་དག་མྱ་ངན་ལས་འདས་པ་དངོས་པོར་ཚོལ་བ་དེ་དག་ལའང་འཁོར་བ་ལས་འདའ་བ་མ་མཆིས་སོ། ། དེ་ཅིའི་སླད་དུ་ཞེ་ན། བཅོམ་ལྡན་འདས་མྱ་ངན་ལས་འདས་པ་ཞེས་བགྱི་བ་ནི། གང
170a6 མཚན་མ་ཐམས་ཅད་རབ་ཏུ་ཞི་བ་དང་། གཡོ་བ་ཐམས་ཅད་མ་མཆིས་པར་གྱུར་པ་ལགས་ན། བཅོམ་ལྡན་འདས་སྐྱེས་བུ་བླུན་པོ་འདི་དག་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་ནས་མུ
170a7 སྟེགས་ཅན་གྱི་ལྟ་བར་ལྷུང་སྟེ། མྱ་ངན་ལས་འདས་པ་དངོས་པོར་ཚོལ་ལོ།། འདི་ལྟ་སྟེ། བཅོམ་ལྡན་འདས་ཏིལ་ལས་ཏིལ་མར་དང་། འོ་མ་ལས་མར་བཞིན་དུ་ཆོས་ཐམས་ཅད་ཤིན་ཏུ་མྱ་ངན་ལས
iiif viewer powered by OpenSeadragon
