| e-texts navigator |
| Wylie |
169a1 ཆོས་རྣམས་ཀྱི་ཚུལ་གང་ཡིན། སྨྲས་པ། རིགས་ཀྱི་བུ་རང་གི་ཡུལ་དབེན་པ་འདོད་ཆགས་དང་བྲལ་བའི་མཐའ་ནི་ཆོས་རྣམས་ཀྱི་ཚུལ་ལོ།། སྨྲས་པ། ཚངས་པ་གང་།
169a2 ཆོས་རྣམས་ཀྱི་ཚུལ་འདི་ཁོང་དུ་ཆུད་པའི་སེམས་ཅན་དེ་དག་ནི་ཉུང་ཞིང་འབྱུང་བར་འགྱུར་རོ།། སྨྲས་པ། རིགས་ཀྱི་བུ་འདོད་ཆགས་དང་བྲལ་བའི་མཐའ་ནི་གཅིག་པའང་མ་ཡིན། མང་པོའང་མ
169a3 ཡིན་ཏེ། དྲ་བ་ཅན་གྱི་འོད་རིགས་ཀྱི་བུ་འམ། རིགས་ཀྱི་བུ་མོ་གང་ཆོས་རྣམས་ཀྱི་ཚུལ་བཞིན་འདི་དག་གི་རྗེས་སུ་སོང་བ་འམ། རྗེས་སུ་འགྲོ་བ་འམ། རྗེས་སུ་འགྲོ་བར་འགྱུར་བ་དེ་དག་གིས
169a4 ཆོས་གང་ཡང་མ་རྟོགས། མི་རྟོགས། རྟོགས་པར་མི་འགྱུར་རོ།། དེ་ཅིའི་ཕྱིར་ཞེ་ན། ཁོང་དུ་ཆུད་པ་མེད་པར་བཅོམ་ལྡན་འདས་ཀྱིས་ཀུན་ཤེས་པ་ལུང་བསྟན་པ་གསུངས་སོ།། གང
169a5 རྣམས་ཚུལ་བཞིན་དུ་ཆོས་བསྟན་པ་འདི་ཐོས་ནས་མོས་པར་བྱེད་པ་དེ་དག་ནི་ཇི་ལྟར་བསྟན་པ་དེ་བཞིན་དུ་རབ་ཏུ་སྦྱོར་བ་ཡིན་ཏེ། དེ་དག་ནི་ཆོས་གང་ལའང་སྤྲོས་པར་མི་བྱེད་པར་འགྱུར་རོ།། སུ་ཆོས་གང
169a6 ལའང་སྤྲོས་པར་བྱེད་པར་མི་འགྱུར་བ་དེ་དག་ནི་ཆོས་གང་ཡང་ཁོང་དུ་ཆུད་པར་མི་འགྱུར་རོ། ། སུ་ཆོས་གང་ཡང་ཁོང་དུ་ཆུད་པར་མི་འགྱུར་བ་དེ་དག་ནི་འཁོར་བར་འགྲོ་བ་ཡང་མ་ཡིན། མྱ་ངན་ལས་འདས
169a7 པའི་ཆོས་ཅན་ཡང་མ་ཡིན་ནོ། ། དེ་ཅིའི་ཕྱིར་ཞེ་ན། བཅོམ་ལྡན་འདས་ཀྱིས་འཁོར་བའང་མ་དམིགས། ཡོངས་སུ་མྱ་ངན་ལས་འདས་པའང་མ་དམིགས་པའི་ཕྱིར་རོ།། སྨྲས་པ། བཅོམ་ལྡན
iiif viewer powered by OpenSeadragon
