| e-texts navigator |
| Wylie |
165a1 དང་། སྨད་པ་མེད་པ་དང་། གྲགས་པ་མེད་པ་དང་། སྡུག་བསྔལ་བ་སྟེ། ཚངས་པ་ཆོས་བཞི་པོ་དེ་དག་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན
165a2 པོ་རྣམས་མི་བསླད་ཅིང་སྤྱོད་ལམ་རྣམ་པར་མི་འཁྲུགས་པར་འགྱུར་རོ། ། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དགེ་བའི་རྩ་བ་རྣམས་འཕེལ་བར་བྱེད
165a3 དེ། བཞི་གང་ཞེ་ན། སེམས་ཅན་རྣམས་བྱང་ཆུབ་ལ་ཡང་དག་པར་འཛུད་པ་དང་། སྦྱིན་པ་བྱིན་ནས་རྣམ་པར་སྨིན་པ་ལ་མི་རེ་བ་དང་། དམ་པའི་ཆོས་ཡོངས་སུ་འཛིན་པ་དང་། བྱང་ཆུབ
165a4 སེམས་དཔའ་རྣམས་ལ་ཤེས་རབ་སྟོན་པ་སྟེ། བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ས་ནས་སར་འཕར་ཏེ། བཞི
165a5 གང་ཞེ་ན། དགེ་བའི་རྩ་བ་བསགས་པ་དང་། ཉེས་པ་ཐམས་ཅད་རྣམ་པར་སྤོང་བ་དང་། བསྔོ་བ་ལ་མཁས་པ་དང་། བརྩོན་འགྲུས་ཤིན་ཏུ་འབར་བ་དང་། བཞི་པོ་འདི་དག་གོ།། ཚངས་པ
165a6 ཆོས་བཞི་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སེམས་ཅན་ཡོངས་སུ་སྨིན་པར་བྱ་བ་ལ་ཐབས་མཁས་པ་རྣམས་ཡིན་ཏེ། བཞི་གང་ཞེ་ན། སེམས་ཅན་གྱི་རྗེས་སུ་འཇུག
165a7 པ་དང་། གཞན་གྱི་བསོད་ནམས་ལ་རྗེས་སུ་ཡི་རང་བ་དང་། ཉེས་པ་འཆགས་པ་དང་། སངས་རྒྱས་ཐམས་ཅད་ལ་གསོལ་བ་འདེབས་པ་སྟེ། བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་ན།
iiif viewer powered by OpenSeadragon
