| e-texts navigator |
| Wylie |
164b1 འགྲུས་དང་། འཁོར་བ་ལ་རྨི་ལམ་ལྟ་བུར་མོས་པ་དང་། སངས་རྒྱས་ཀྱི་ཡེ་ཤེས་ལ་མི་མཉམ་པ་དང་མཉམ་པར་ཡོངས་སུ་འཇལ་བ་སྟེ། ཚངས་པ་ཆོས་བཞི་པོ་དེ་དག་དང་ལྡན་ན། བྱང་ཆུབ་སེམས
164b2 དཔའ་སེམས་དཔའ་ཆེན་པོ་དག་ལྷག་པའི་བསམ་པ་བརྟན་ཞིང་ཡིད་མི་སྐྱོ་བ་རྣམས་ཡིན་ནོ། ། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་དག་མགོ་གཅིག་ཏུ་སྨྲ
164b3 ཞིང་ཚིག་གདུང་བ་མེད་པ་རྣམས་ཡིན་ཏེ། བཞི་གང་ཞེ་ན། བྱང་ཆུབ་སེམས་དཔའ་རྣམས་ཆོས་ཐམས་ཅད་ལ་གང་ཟག་མེད་པར་མགོ་གཅིག་ཏུ་སྨྲའོ།། བྱང་ཆུབ་སེམས་དཔའ་རྣམས་སྐྱེ་གནས
164b4 ཐམས་ཅད་ལ་དགའ་བ་མེད་པར་མགོ་གཅིག་ཏུ་སྨྲའོ། ། བྱང་ཆུབ་སེམས་དཔའ་རྣམས་ཐེག་པ་ཆེན་པོའི་བསྔགས་པ་མགོ་གཅིག་ཏུ་སྨྲའོ།། བྱང་ཆུབ་སེམས་དཔའ་རྣམས་དགེ་བ་དང་མི་དགེ་བའི
164b5 ལས་རྣམས་ཆུད་མི་ཟ་བར་མགོ་གཅིག་ཏུ་སྨྲའོ། ། ཚངས་པ་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཚིག་མགོ་གཅིག་པ་བཞིའོ།། ཚངས་པ་ཆོས་བཞི་པོ་འདི་དག་ནི་བྱང
164b6 ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་དགེ་བའི་རྩ་བ་མངོན་པར་འཕགས་པར་འགྱུར་བ་སྟེ། བཞི་གང་ཞེ་ན། ཚུལ་ཁྲིམས་དང་། ཐོས་པ་དང་། གཏོང་བ་དང་། འབྱུང་བ་སྟེ།
164b7 བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་ན། བྱང་ཆུབ་སེམས་དཔའ་རྣམས་མི་བསླད་ཅིང་སྤྱོད་ལམ་རྣམ་པར་འཁྲུགས་པར་མི་འགྱུར་ཏེ། བཞི་གང་ཞེ་ན། རྙེད་པ་མེད་པ
iiif viewer powered by OpenSeadragon
