| e-texts navigator |
| Wylie |
164a1 འདུལ་བ་ལ་མཁས་པ་རྣམས་ལགས། ཇི་ལྟར་ན་འཁོར་གྱི་ནང་དུ་མཆི་བ་ལ་མཁས་པ་རྣམས་ལགས། ཇི་ལྟར་ན་ཆོས་རྣམ་པར་འབྱེད་པ་ལ་མཁས་པ་རྣམས་ལགས
164a2 ཇིལྟར་ན་རྒྱུའི་སྟོབས་དང་ལྡན་ཞིང་དགེ་བའི་རྩ་བ་ཆབ་མི་འཚལ་བ་རྣམས་ལགས། ཇི་ལྟར་ན་སྦྱིན་པའི་ཕ་རོལ་ཏུ་ཕྱིན་པ་ལ་མ་བསྟན་པར་སྦྱིན་པ་དང་། དེ་བཞིན་དུ་ཤེས་རབ་ཀྱི་བར་དུ་མ་བསྟན་པ
164a3 ལགས། ཇི་ལྟར་ན་བསམ་གཏན་རྣམས་ཀྱི་བདེ་བ་ལས་ལྡོག་པ་ལ་མཁས་པ་རྣམས་ལགས། ཇི་ལྟར་ན་སངས་རྒྱས་ཀྱི་ཆོས་རྣམས་ལས་ཕྱིར་མི་ལྡོག་པ་རྣམས་ལགས། ཇི་ལྟར་ན
164a4 སངས་རྒྱས་ཀྱི་རིགས་མི་གཅོད་པ་རྣམས་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚངས་པ་ཁྱད་པར་སེམས་ལ་འདི་སྐད་ཅེས་བཀའ་སྩལ་ཏོ།། ཚངས་པ་ལེགས
164a5 སོ་ལེགས་སོ། ། ཡང་ཚངས་པ་ཁྱོད་དེ་བཞིན་གཤེགས་པ་ལ་དེ་ལྟ་བུའི་དོན་དྲི་བར་སེམས་པ་ལེགས་སོ།། ཚངས་པ་དེའི་ཕྱིར་ཤིན་ཏུ་ལེགས་པར་ཉོན་ལ་ཡིད་ལ་ཟུང་ཞིག་དང་བཤད་དོ།། བཅོམ
164a6 ལྡན་འདས་ལེགས་སོ་ཞེས་གསོལ་ནས། ཚངས་པ་ཁྱད་པར་སེམས་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། ཚངས་པ་ཆོས་བཞི་དང
164a7 ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་དག་ལྷག་པའི་བསམ་པ་བརྟན་ཞིང་ཡིད་མི་སྐྱོ་བ་རྣམས་ཡིན་ཏེ། བཞི་གང་ཞེ་ན། སེམས་ཅན་རྣམས་ལ་སྙིང་རྗེ་བ་དང་། མི་སྐྱོ་བའི་བརྩོན
iiif viewer powered by OpenSeadragon
