| e-texts navigator |
| Wylie |
163b1 རྗེས་སུ་འབྲང་། ། བདག་གིས་གང་ཁྱོད་དོན་ཆེན་འདི་དྲིས་པ།། འཇིག་རྟེན་རྣམ་འདྲེན་ཁྱོད་ལ་བདག་བཟོད་གསོལ།། གང་ཕྱིར་ཁྱོད་ཀྱི་ཐུགས་ནི་སྐྱོ་མི་མངའ།། དེ་ཕྱིར་བྱང་ཆུབ་ལམ་མཆོག་བསྟན་དུ
163b2 གསོལ། ། དེ་ནས་བཅོམ་ལྡན་འདས་ཀྱི་སྤྱན་སྔར་ཚངས་པ་ཁྱད་པར་སེམས་ཀྱིས་ཚིགས་སུ་བཅད་པ་འདི་དག་སྨྲས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར
163b3 ན་བྱང་ཆུབ་སེམས་དཔའ་དག་ལྷག་པའི་བསམ་པ་བརྟན་ཞིང་ཡིད་མི་སྐྱོ་བ་རྣམས་ལགས། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་དག་མགོ་གཅིག་ཏུ་སྨྲ་ཞིང་ཚིག་གདུང་བ་མ་མཆིས་པ་རྣམས
163b4 ལགས། ཇི་ལྟར་ན་དགེ་བའི་རྩ་བ་རྣམས་མངོན་པར་འཕགས་པ་རྣམས་ལགས། ཇི་ལྟར་ན་བསླད་པ་མ་མཆིས་ཤིང་སྤྱོད་ལམ་ཡང་མི་འཁྲུགས་པ་ལགས། ཇི་ལྟར་ན་ཆོས་དཀར་པོ་རྣམས
163b5 རྣམ་པར་འཕེལ་བར་བགྱིད་པ་རྣམས་ལགས། ཇི་ལྟར་ནས་ནས་སར་འཕར་བར་བགྱིད་པ་རྣམས་ལགས། ཇི་ལྟར་ན་སེམས་ཅན་ཡོངས་སུ་སྨིན་པར་བགྱི་བ་ལ་ཐབས་མཁས་པ་རྣམས་ལགས
163b6 ཇི་ལྟར་ན་སེམས་ཅན་རྣམས་ལ་ཉེ་བར་སྤྱོད་པ་ལ་མཁས་པ་རྣམས་ལགས། ཇི་ལྟར་ན་བྱང་ཆུབ་ཀྱི་སེམས་སྲུང་བ་རྣམས་ལགས་ཇི་ལྟར་ན་སེམས་རྩེ་གཅིག་ཅིང་ཡིད་རྣམ་པར་མ
163b7 འདྲེས་པ་རྣམས་ལགས། ཇི་ལྟར་ན་ཆོས་རྣམས་ཡོངས་སུ་ཚོལ་བ་ལ་མཁས་པ་རྣམས་ལགས། ཇི་ལྟར་ན་ལྟུང་བ་ལས་འབྱུང་བ་ལ་མཁས་པ་རྣམས་ལགས། ཇི་ལྟར་ན་ཉོན་མོངས་པ་རྣམས
iiif viewer powered by OpenSeadragon
