| e-texts navigator |
| Wylie |
162b1 ལུས་དང་ངག་དང་འོན་ཏེ་ཡིད་ཀྱིས་ཀྱང་།། གང་ལ་ཉེས་བགྱིས་རྣམ་པ་གསུམ་མཆིས་ཏེ།། ངན་སོང་གསུམ་དུ་མྱོང་བར་གང་འགྱུར་བ།། དེ་ནི་ཚེ་འདི་ཉིད་ལ་འབྱང་བར་འགྱུར།། བྱང་ཆུབ་སེམས
162b2 དཔའ་འདི་ན་གང་མཆིས་པ། ། དེ་དག་རྟག་ཏུ་གདུང་བར་མི་བགྱི་སྟེ།། དེ་ཡི་ལས་གང་ལོག་ལྟུང་མཆི་བ་ཡང་།། དེ་དག་འདིར་ནི་གླད་པ་ན་བས་འབྱང་།། འདི་ན་བྱང་ཆུབ་སེམས་དཔའ་སྐྱོན་མེད་གང་།། །
162b3 དམ་པའི་ཆོས་སྲུངས་ཆོས་མཆོག་འཛིན་པ་རྣམས།། དེ་དག་འདི་ལས་ཕྱིན་ཆད་ནམ་དུ་ཡང་།། དྲན་པ་མི་འཁྲུག་བློ་ཡང་ཉམས་མི་འགྱུར།། གང་ཞིག་བདུད་ཀྱིས་བཅིངས་པ་བཅད་པ་དང་།། དེ་བཞིན
162b4 ཉོན་མོངས་ལས་བཅས་སྦྱོང་འཚལ་བ། ། ད་ནི་ཞིང་འདིར་དམ་པའི་ཆོས་ཉིད་སྲུང་།། འདི་ལ་ཡེ་ཤེས་ལྡན་པའི་མཆོག་ཏུ་འགྱུར།། གང་ཞིག་བསྐལ་པ་བྱེ་བར་ཞིང་གཞན་དུ།། སེམས་ལྡན་དམ་ཆོས
162b5 འཛིན་པར་འགྱུར་བ་བས། ། སུ་དག་སྔ་དྲོ་གཅིག་ཙམ་མི་མཇེད་དུ།། འདི་ནི་དེ་བས་མཆོག་ཏུ་མཁས་པས་དགོངས།། བདག་གིས་མངོན་པར་དགའ་བའི་འཇིག་རྟེན་དང་།། དེ་བཞིན་ཚེ་དཔག་མེད་ཀྱི
162b6 བདེ་ཅན་མཆོག། དེ་ན་སྡུག་བསྔལ་སྡུག་བསྔལ་སྒྲ་མ་མཆིས།། དེར་ནི་ཡོན་ཏན་བགྱི་བ་རྨད་མི་ཆེ།། ཉོན་མོངས་འབྱུང་གནས་འཇིག་རྟེན་ཉིས་གང་འདིར།། ཞེ་སྡང་ཅན་གྱི་བར་དུ་ཉེས་བཟོད་ལ།། ཆོས
162b7 འདི་ལ་ཡང་གཞན་དག་འཛུད་པར་ནི། ། འདི་ནི་དེ་བས་དཀའ་བའི་མཆོག་ཏུ་འགྱུར།། སྙིང་རྗེས་བརླན་སེམས་སྡུག་བསྔལ་མང་ལས་འགྲོལ།། བླ་མེད་བླ་མ་ཁྱོད་ལ་བདག་ཕྱག་འཚལ།། གཏུམ་སེམས་ཅན
iiif viewer powered by OpenSeadragon
