| e-texts navigator |
| Wylie |
162a1 བྱང་ཆུབ་སེམས་དཔའ་ཐེ་ཙོམ་ཐམས་ཅད་གཅོད་པ་དང་། ཀུན་འདྲི་བ་ལ་མཁས་པ་རྣམས་ཀྱི་ནང་ན་མཆོག་གོ།། དེ་ནས་ཚངས་པ་ཁྱད་པར་སེམས་བྱང་ཆུབ་སེམས་དཔའ་སོ།
162a2 ཕྲག་བཅུ་གཉིས་པོ་དེ་དག་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་དོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ལན་གསུམ་བསྐོར་བ་བྱས་ནས
162a3 བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་ཚིགས་སུ་བཅད་པ་དག་གིས་རྣམ་པ་མང་པོར་མངོན་པར་བསྟོད་དོ།། རྣམ་པར་སྒྲ་བསྒྲགས་སྲིད་པ
162a4 གསུམ་དུ་གྲགས། ། བསྔགས་པའི་འཕྲེང་བ་འཇིག་རྟེན་ཀུན་ཏུ་རྒྱུ།། བདག་གིས་སེམས་ཅན་མཆོག་རྣམས་ཞིང་ན་མཐོང་།། དེ་དག་ཀུན་ཀྱང་ཁྱོད་ཀྱི་ཡོན་ཏན་གསུངས།། འདི་ནི།།
162a5 ཡོངས་སུ་དག་པའི་ཞིང་མཆིས་ཏེ།། དྲི་མ་མ་མཆིས་ངན་སོང་གསུམ་སྤངས་པ།། དེ་འདྲའི་ཞིང་རྣམས་དེ་དག་རྣམས་སྤངས་ནས།། ཁྱོད་ཀྱི་ཐུགས་རྗེས་ངན་པ་ཡོངས་སུ་བཟུང་།
162a6 འཇིག་རྟེན་མགོན་ཁྱོད་ཡེ་ཤེས་དམན་མ་མཆིས།། མ་ལུས་བདེ་བར་གཤེགས་དང་ཁྱོད་དུ་མཚུངས།། ཤིན་ཏུ་རྣམ་དག་བསམ་པ་སྔོན་མཛད་པ།། འདི་འདྲ་བ་ཡི་ཞིང་འདི་ཁྱོད་ཀྱིས་བཟུང་།
162a7 ཚུལ་ཁྲིམས་ཐམས་ཅད་རྣམ་དག་འདོད་སྤངས་ནས།། གང་ཞིག་བསྐལ་པར་གཞན་ན་སྤྱོད་པ་པས།། སུ་དག་བྱམས་པའི་སེམས་ཀྱིས་ཤིན་ཏུ་འདིར།། སྐད་ཅིག་སྤྱོད་ནའང་འདི་ནི་ཁྱད་པར་འཕགས།
iiif viewer powered by OpenSeadragon
