| e-texts navigator |
| Wylie |
161b1 བ་ཟླ་འོད་ཀྱི་ཞབས་ལ་མགོ་བོས་ཕྱག་འཚལ་ནས་འདི་སྐད་ཅེས་སྐྱེས་བུ་སྟོབས་དང་ལྡན་པའི་ལག་པ་བསྐུམ་པ་ལས་སྨྱུང་བ་འམ། སྦྱང་བ་ལས་བསྐུམ་པའི་སྐད་ཅིག་ཡུད་ཙམ་ཐང་ཅིག་དེ་ཙམ་གྱིས་སངས་རྒྱས་ཀྱི
161b2 ཞིང་དེར་མི་སྣང་བར་གྱུར་ནས། བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཞིང་འདིར་ཕྱིན་ཏོ།། དེ་ནས་བཅོམ་ལྡན་འདས་ཀྱིས།
161b3 བྱང་ཆུབ་སེམས་དཔའ་དྲ་བ་ཅན་གྱི་འོད་ལ་བཀའ་སྩལ་པ། དྲ་བ་ཅན་གྱི་འོད་ཁྱོད་ཀྱིས་ཚངས་པ་ཁྱད་པར་སེམས་འོངས་པ་མཐོང་ངམ། གསོལ་པ། བཅོམ་ལྡན་འདས་མཐོང་ངོ་།། བཅོམ
161b4 ལྡན་འདས་ཀྱིས་བཀའ་སྩལ་པ། དྲ་བ་ཅན་གྱི་འོད་ཚངས་པ་ཁྱད་པར་སེམས་འདི་ནི་བྱང་ཆུབ་སེམས་དཔའ་ཚུལ་བཞིན་འདྲི་བ་ཀུན་འདྲི་བ་ལ་མཁས་པ་རྣམས་ཀྱི་ནང་ན་མཆོག་གོ།། ཚིག་གཟུང
161b5 བ་རྣམས་ཀྱི་ནང་ན་མཆོག་གོ། ། ཚིག་བཙུན་པ་རྣམས་ཀྱི་ནང་ན་མཆོག་གོ།། ཚིག་འཇམ་པ་རྣམས་ཀྱི་ནང་ན་མཆོག་གོ།། སོང་པོར་སྨྲ་བ་རྣམས་ཀྱི་ནང་ན་མཆོག་གོ།། ཚིག་ཆོད་པ་རྣམས
161b6 ཀྱི་ནང་ན་མཆོག་གོ། ། ཚིག་ཐོགས་པ་མེད་པ་རྣམས་ཀྱི་ནང་ན་མཆོག་གོ།། ལྡེམ་པོ་ངག་ཏུ་སྨྲ་བ་རྣམས་ཀྱི་ནང་ན་མཆོག་གོ།། སེམས་ཁོང་ཁྲོ་བ་མེད་པའི་ནང་ན་མཆོག་གོ།། བྱམས་པ་ལ
161b7 གནས་པ་རྣམས་ཀྱི་ནང་ན་མཆོག་གོ། ། སྙིང་རྗེ་ལ་གནས་པ་རྣམས་ཀྱི་ནང་ན་མཆོག་གོ།། དགའ་བ་ལ་གནས་པ་རྣམས་ཀྱི་ནང་ན་མཆོག་གོ།། བཏང་སྙོམས་ལ་གནས་པ་རྣམས་ཀྱི་ནང་ན་མཆོག་གོ།།
iiif viewer powered by OpenSeadragon
