| e-texts navigator |
| Wylie |
160b1 ཀྱིས་གནས་པར་བྱའོ། ། བཅུ་གང་ཞེ་ན། སྙན་པར་སྨྲ་བ་དང་། ངན་དུ་སྨྲ་བ་རྣམས་ལ་ཁོང་ཁྲོ་བ་མེད་པའི་སེམས་དང་། སྙན་པ་ཐོས་པ་དང་། མི་སྙན་པ་ཐོས་པ་ལ་བྱམས་པའི་སེམས
160b2 དང་། དུས་ཐམས་ཅད་དུ་སེམས་ཅན་རྣམས་ལ་སྙིང་རྗེ་བའི་སེམས་དང་། སེམས་ཅན་རབ་འབྲིང་ཐ་མ་རྣམས་ལ་ཡང་དག་པར་སྦྱོར་བ་དང་། རི་མོ་བྱེད་པ་དང་བརྙས་པར་བྱེད་པ་རྣམས་ལ་སེམས
160b3 མཉམ་པ་དང་། གཞན་གྱི་ལྟུང་བའི་འཁྲུལ་པ་ཐམས་ཅད་ལ་ཉེས་པར་མི་ལྟ་བ་དང་། ཐེག་པ་སྣ་ཚོགས་ལ་རོ་གཅིག་པ་དང་། ངན་སོང་གི་སྡུག་བསྔལ་ཐམས་ཅད་ཀྱི་སྒྲས་མི་སྐྲག་པ་དང་། བྱང
160b4 ཆུབ་སེམས་དཔའ་ཐམས་ཅད་ལ་སྟོན་པར་འདུ་ཤེས་པ་དང་། སངས་རྒྱས་ཀྱི་ཞིང་སྙིགས་མ་ལྔ་ཅན་ན་དེ་བཞིན་གཤེགས་པ་མཐོང་བ་ལ་ངོ་མཚར་དུ་འདུ་ཤེས་པ་སྟེ། ཚངས་པ་ལྷག་པའི་བསམ
160b5 པ་བཅུ་པོ་དེ་དག་གིས་སངས་རྒྱས་ཀྱི་ཞིང་དེར་གནས་པར་བྱའོ། ། དེ་ནས་བཅོམ་ལྡན་འདས་ལ། ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱི་སྤྱན་སྔར
160b6 བདག་སེང་གེའི་སྒྲ་མི་སྒྲོག་སྟེ། འོན་ཀྱང་བདག་གི་སྤྱོད་པ་གང་ལགས་པའི་སྤྱོད་པ་འདི་ལ་བཅོམ་ལྡན་འདས་ཉིད་མངོན་སུམ་དུ་གྱུར་པས། བཅོམ་ལྡན་འདས་བདག་གི་ལྷག་པའི་བསམ་པ་དེ་དག
160b7 ཀྱང་རྣམ་པར་སྦྱང་ཞིང་མཉམ་པར་གཞག་པའི་བྱེ་བྲག་གིས་ཀྱང་སངས་རྒྱས་ཀྱི་ཞིང་དེར་གནས་པར་བགྱིའོ། ། དེ་ནས་བཅོམ་ལྡན་འདས་དེ་བཞིན་གཤེགས་པ་ཟླ་འོད་ཀྱི་སངས་རྒྱས་ཀྱི་ཞིང་དེའི
iiif viewer powered by OpenSeadragon
