| e-texts navigator |
| Wylie |
160a1 ལྡན་འདས་དེ་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་འཇིག་རྟེན་དུ་སྣང་བ་ཆེན་པོ་འདི་འབྱུང་བའི་རྒྱུ་གང་ལགས། རྐྱེན་གང་ལགས། བཅོམ་ལྡན་འདས་དེས་འདི
160a2 སྐད་ཅེས་བཀའ་སྩལ་ཏོ། ། ཚངས་པ་སངས་རྒྱས་ཀྱི་ཞིང་འདི་ནས་ནུབ་ཕྱོགས་ན། སངས་རྒྱས་ཀྱི་ཞིང་བརྒྱ་སྟོང་ཕྲག་གངྒཱའི་ཀླུང་བདུན་ཅུ་རྩ་གཉིས་ཀྱི་བྱེ་མ་སྙེད་འདས་པ་ན། མི་མཇེད་ཅེས་བྱ
160a3 པའི་འཇིག་རྟེན་གྱི་ཁམས་ཡོད་དེ། དེ་ན་ཤཱཀྱ་ཐུབ་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ད་ལྟ་ན་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན
160a4 ཏོ། ། དེ་བཞིན་གཤེགས་པ་དེས་འདི་ལྟ་སྟེ། ཕྱོགས་བཅུའི་བྱང་ཆུབ་སེམས་དཔའ་རྣམས་བསྡུ་བའི་ཕྱིར་སྐུ་ལས་འོད་འདི་བཏང་ངོ་།། དེ་ནས་བཅོམ་ལྡན་འདས་ལ། ཚངས་པ་ཁྱད་པར
160a5 སེམས་ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་དེ་བཞིན་གཤེགས་པ་དེ་དག་གཟིགས་པར་བཞེད་ན། མི་མཇེད་ཀྱི་འཇིག་རྟེན་གྱི་ཁམས་དེར་བཅོམ་ལྡན་འདས་ཤཱཀྱ་ཐུབ་པ་དེ་ལ་བལྟ།
160a6 བ་དང་། ཕྱག་འཚལ་བ་དང་། བསྙེན་བཀུར་བགྱི་བ་དང་། ཀུན་ཞུ་བ་དང་། སྒུར་ཞུ་བའི་སླད་དུ་བདག་མཆིའོ།། བཅོམ་ལྡན་འདས་དེས་བཀའ་སྩལ་པ། ཚངས་པ་ད་ལྟར་མི་མཇེད་ཀྱི
160a7 འཇིག་རྟེན་གྱི་ཁམས་དེར་བྱང་ཆུབ་སེམས་དཔའ་བྱེ་བ་ཕྲག་མང་པོའང་ཕྱིན་གྱིས། དེའི་དུས་ལ་དབབ་པར་ཤེས་ན་ཁྱོད་སོང་ཞིག། ཚངས་པ་སངས་རྒྱས་ཀྱི་ཞིང་དེར་ལྷག་པའི་བསམ་པ་བཅུ་རྣམ
iiif viewer powered by OpenSeadragon
