| e-texts navigator |
| Wylie |
159a1 དྲ་བ་ཅན་གྱི་འོད་དེ་བཞིན་གཤེགས་པ་ལ་གཟུགས་ཐམས་ཅད་སྟོན་པ་ཞེས་བྱ་བའི་འོད་ཟེར་ཡོད་དེ། འོད་ཟེར་དེས་རེག་པའི་སེམས་ཅན་རྣམས་དེ་བཞིན་གཤེགས་པའི་སྐུ་ཁ་དོག་སྣ
159a2 ཚོགས་ཁ་དོག་དུ་མ་ཁ་དོག་བརྒྱ་སྟོང་དུ་མ་བས་ལྷག་པར་མཐོང་བར་འགྱུར་རོ། ། དྲ་བ་ཅན་གྱི་འོད་ངས་དེ་བཞིན་གཤེགས་པའི་འོད་ཟེར་ལས་བརྩམས་ཏེ། བསྐལ་པ་འམ། བསྐལ་པ་ལས་ལྷག་པར
159a3 བཤད་ཀྱང་། དེ་བཞིན་གཤེགས་པའི་འོད་ཟེར་གྱི་རྣམ་པ་དང་ལྡན་པའི་ཆོས་བསྟན་པ་ཡོངས་སུ་ཟད་པར་མི་འགྱུར་ཏེ། དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས
159a4 ནི་འོད་ཟེར་གྱི་ཡོན་ཏན་མཐའ་ཡས་མུ་མེད་པ་དང་ལྡན་པ་ཡིན་ནོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་ཏོ།།
159a5 བཅོམ་ལྡན་འདས་འདི་ལྟར་དེ་བཞིན་གཤེགས་པའི་སྐུའི་བཀོད་པ་ཚད་མ་མཆིས་པར་བསྟན་པ་འདི་དང་། ཐབས་མཁས་པ་བསམ་གྱིས་མི་ཁྱབ་པ་དང་ལྡན་པའི་ཆོས་བསྟན་པ་ངོ་མཚར་ཏོ།། བཅོམ་ལྡན་འདས
159a6 འོད་ཟེར་འདི་དག་ནི་བདག་ཅག་གིས་སྔོན་མ་ཐོས་ཏེ། ཇི་ལྟར་བཅོམ་ལྡན་འདས་ཀྱིས་བཤད་པའི་དོན་བདག་འཚལ་བ་ལྟར་ན། བཅོམ་ལྡན་འདས་བྱང་ཆུབ་སེམས་དཔའ་གང་ལ་ལ་འོད་ཟེར་འདི་དག་གི་མིང
159a7 ཐོས་ནས། དད་པ་རྙེད་པར་འགྱུར་བ་དེ་དག་ཐམས་ཅད་ཡང་དག་པར་རྫོགས་པའི་སངས་རྒྱས་ཀྱི་འོད་ཟེར་འདི་ལྟ་བུས་རབ་ཏུ་སྣང་བར་བགྱིད་པའི་སྐུ་དང་ལྡན་པ་འགྱུར་རོ།། ཡང་བཅོམ་ལྡན་འདས་དེ་བཞིན་གཤེགས
iiif viewer powered by OpenSeadragon
