| e-texts navigator |
| Wylie |
158b1 ཡོངས་སུ་གདུང་བ་མེད་པ་ཞེས་བྱ་བའི་འོད་ཟེར་དེས་ནི་སེམས་ཅན་ངན་པའི་ངང་ཚུལ་ཅན་རྣམས་ཚུལ་ཁྲིམས་ཐོབ་པར་འགྱུར་རོ།། ཕན་པ་དང་ལྡན་པ་ཞེས་བྱ་བའི་འོད་ཟེར་དེས་ནི་སེམས་ཅན་གནོད་པར་སེམས
158b2 པ་རྣམས་བཟོད་པ་ངེས་པ་ཐོབ་པར་འགྱུར་རོ། ། འབར་བ་ཅན་ཞེས་བྱ་བའི་འོད་ཟེར་དྭ་ནི། སེམས་ཅན་ལེ་ལོ་ཅན་རྣམས་བརྩོན་འགྲུས་ཐོབ་པར་འགྱུར་རོ།། རྩེ་གཅིག་པ་ཞེས་བྱ་བའི་འོད་ཟེར་དེས་ནི།
158b3 སེམས་ཅན་དྲན་པ་ཉམས་པ་རྣམས་བསམ་གཏན་ཐོབ་པར་འགྱུར་རོ།། ཡེ་ཤེས་ཞེས་བྱ་བའི་འོད་ཟེར་དེས་ནི། སེམས་ཅན་འཆལ་པའི་ཤེས་རབ་ཅན་རྣམས་ཤེས་རབ་ཐོབ་པར་འགྱུར་རོ།། རྙོག་པ་མེད
158b4 པ་ཞེས་བྱ་བའི་འོད་ཟེར་དེས་ནི། སེམས་ཅན་མ་དད་པ་རྣམས་དད་པ་ཐོབ་པར་འགྱུར་རོ།། ཀུན་འཛིན་པ་ཞེས་བྱ་བའི་འོད་ཟེར་དེས་ནི། སེམས་ཅན་ཐོས་པ་ཉུང་བ་རྣམས་ཐོས་པ་ཐོབ་པར་འགྱུར་རོ།། སྤྱོད་པ་དང
158b5 ལྡན་པ་ཞེས་བྱ་བའི་འོད་ཟེར་དེས་ནི། སེམས་ཅན་ངོ་ཚ་བ་དང་འཛེམ་པ་མེད་པའི་རྣམས་ངོ་ཚ་ཤེས་པ་དང་ཁྲེལ་ཡོད་པ་ཐོབ་པར་འགྱུར་རོ།། སྐྱོ་བ་ཞེས་བྱ་བའི་འོད་ཟེར་དེས་ནི་སེམས་ཅན་འདོད་ཆགས་སྤྱོད་པ་རྣམས
158b6 ཀྱི་འདོད་ཆགས་འཇོམས་པར་འགྱུར་རོ། ། དགའ་བ་ཞེས་བྱ་བའི་འོད་ཟེར་དེས་ནི་སེམས་ཅན་ཞེ་སྡང་སྤྱོད་པ་རྣམས་ཀྱི་ཞེ་སྡང་འཇོམས་པར་འགྱུར་རོ།། སྣང་བ་ཅན་ཞེས་བྱ་བའི་འོད་ཟེར་དེས་ནི། སེམས་ཅན་གཏི
158b7 མུག་སྤྱོད་པ་རྣམས་རྟེན་ཅིང་འབྲེལ་པར་འབྱུང་བ་ཁོང་དུ་ཆུད་པར་འགྱུར་རོ། ། ཀུན་ཏུ་འགྲོ་བ་ཞེས་བྱ་བའི་འོད་ཟེར་དེས་ནི། སེམས་ཅན་ཆ་མཉམ་པར་སྤྱོད་པ་རྣམས་ཆ་མཉམ་པར་སྤྱོད་པ་སྤོང་བར་འགྱུར་རོ།།
iiif viewer powered by OpenSeadragon
