| e-texts navigator |
| Wylie |
158a1 ཐམས་ཅད་བཀོད་པའང་གྲོང་ཁྱེར་དེར་འབྱུང་བར་འགྱུར་རོ། ། རྣམ་པར་འཐོར་བ་ཞེས་བྱ་བའི་འོད་ཟེར་དེས་ནི་དེ་བཞིན་གཤེགས་པ་འཇིག་རྟེན་གྱི་ཁམས་མཐའ་ཡས་མུ་མེད་པ
158a2 རབ་ཏུ་གཡོ་བར་བྱེད་དོ། ། བདེ་བ་སྟོན་པ་ཞེས་བྱ་བའི་འོད་ཟེར་དེས་ནི་སེམས་ཅན་དམྱལ་བའི་སེམས་ཅན་རྣམས་ཀྱི་སེམས་ཅན་དམྱལ་བའི་སྡུག་བསྔལ་མེད་པར་བྱེད་དོ།། འོད་ཟེར་བྱམས་པ་ལས་འཕགས
158a3 པ་ཞེས་བྱ་བ་དེས་ནི། བྱོལ་སོང་གི་སྐྱེ་གནས་སུ་སོང་བའི་སེམས་ཅན་རྣམས་གཅིག་ལ་གཅིག་ཟ་བ་མེད་པར་བྱེད་དོ།། འོད་ཟེར་རབ་ཏུ་སིམ་པར་བྱེད་པ་ཞེས་བྱ་བ་དེས་ནི། གཤིན་རྗེའི་འཇིག་རྟེན་པའི
158a4 སེམས་ཅན་རྣམས་ཀྱི་གཤིན་རྗེའི་འཇིག་རྟེན་གྱི་སྡུག་བསྔལ་མེད་པར་བྱེད་དོ། ། དྲི་མ་མེད་པ་ཞེས་བྱ་བའི་འོད་ཟེར་དེས་ནི། སེམས་ཅན་མདོངས་པའི་རྣམས་མིག་ཐོབ་པར་འགྱུར་རོ།། རྣ་བའི་རྗེས
158a5 སུ་འཐུན་པ་ཞེས་བྱ་བའི་འོད་ཟེར་དེས་ནི་སེམས་ཅན་འོན་པ་རྣམས་རྣ་བ་ཐོབ་པར་འགྱུར་རོ། ། རྣམ་པར་སྤོངས་པ་ཞེས་བྱ་བའི་འོད་ཟེར་དེས་ནི། སེམས་ཅན་མི་དགེ་བ་བཅུའི་ལས་ཀྱི་ལམ་ལ་གནས་པ
158a6 རྣམས་དགེ་བ་བཅུའི་ལས་ཀྱི་ལམ་ཐོབ་པར་འགྱུར་རོ། ། ངོ་ཚ་ཤེས་པ་ཞེས་བྱ་བའི་འོད་ཟེར་དེས་ནི་སེམས་ཅན་མྱོས་པའི་རྣམས་དྲན་པ་ཐོབ་པར་འགྱུར་རོ།། མེད་པར་འགྱུར་བ་ཞེས་བྱ་བའི་འོད་ཟེར
158a7 དེས་ནི། སེམས་ཅན་ལོག་པར་ལྟ་བ་ཅན་རྣམས་ཡང་དག་པར་ལྟ་བ་ཐོབ་པར་འགྱུར་རོ།། རབ་ཏུ་གཏོང་བ་ཞེས་བྱ་བའི་འོད་ཟེར་དེས་ནི་སེམས་ཅན་སེར་སྣ་ཅན་རྣམས་གཏོང་བ་ཐོབ་པར་འགྱུར་རོ།།
iiif viewer powered by OpenSeadragon
