| e-texts navigator |
| Wylie |
153b1 སྨྲས་པ། བཙུན་པ་ཤཱ་རིའི་བུ་ཁྱོད་དགྲ་བཅོམ་པ་ཟག་པ་ཟད་པ། ཤེས་པ་དང་བྲལ་བར་མོས་སམ། སྨྲས་པ། མོས་སོ།། སྨྲས་པ། ཇི་ལྟར་མོས། སྨྲས་པ། འདི་ལྟར་ཆོས་ཐམས་ཅད་ནི་ངོ་བོ་ཉིད་དང
153b2 བྲལ་བ་སྟེ། དེ་བས་ན་དགྲ་བཅོམ་པ་ཟག་པ་ཟད་པ། ཤེས་པ་དང་བྲལ་བར་མོས་སོ།། སྨྲས་པ། བཙུན་པ་ཤཱ་རིའི་བུ་ཁྱོད་དགྲ་བཅོམ་པ་ཟག་པ་ཟད་པ། རྣམ་པར་གྲོལ་བའི་ཆོས་ཅན་དུ་མོས་སམ།
153b3 སྨྲས་པ། ཇི་ལྟར་མོས། སྨྲས་པ། ཉོན་མོངས་པ་མེད་པའི་ཕྱིར་ཏེ། འདི་ལྟར་ཉོན་མོངས་པ་མེད་ན། གང་དག་ལས་རྣམ་པར་གྲོལ་བར་འགྱུར་ཏེ། དེ་ལྟར་མོས་སོ།། སྨྲས་པ། བཙུན་པ་ཤཱ་རིའི་བུ
153b4 ཁྱོད་སྔོན་གྱི་དེ་བཞིན་གཤེགས་པ་རྣམས་མ་བྱུང་ཞིང་ཡོངས་སུ་མྱ་ངན་ལས་མ་འདས་པར་མོས་སམ། སྨྲས་པ། མོས་སོ།། སྨྲས་པ། ཇི་ལྟར་མོས། སྨྲས་པ། འཇམ་དཔལ་བསམ་གྱིས་མི་ཁྱབ་པའི
153b5 དབྱིངས་ལ་ནི་སྐྱེ་བ་མེད་དེ། གང་མི་སྐྱེ་བ་དེ་ལ་མི་སྣང་བར་འགྱུར་བ་འམ། ཡོངས་སུ་མྱ་ངན་ལས་འདའ་བར་འགྱུར་བ་ག་ལ་ཡོད་དེ། དེ་ལྟར་མོས་སོ།། སྨྲས་པ། བཙུན་པ་ཤཱ་རིའི་བུ་ཁྱོད་སངས་རྒྱས་ཉིད།། །
153b6 ཐམས་ཅད་གཅིག་ཡིན་པར་མོས་སམ། སྨྲས་པ། མོས་སོ།། སྨྲས་པ། ཇི་ལྟར་མོས། སྨྲས་པ། འཇམ་དཔལ་ཆོས་ཀྱི་དབྱིངས་ལ་ནི་ཐ་དད་པ་མེད་དེ། དེ་ལྟར་མོས་སོ།། སྨྲས་པ། བཙུན་པ་ཤཱ
153b7 རིའི་བུ་ཁྱོད་སངས་རྒྱས་ཀྱི་ཞིང་ཐམས་ཅད་སངས་རྒྱས་ཀྱི་ཞིང་གཅིག་ཡིན་པར་མོས་སམ། སྨྲས་པ། མོས་སོ།། སྨྲས་པ། ཇི་ལྟར་མོས། སྨྲས་པ། འཇམ་དཔལ་སངས་རྒྱས་ཀྱི་ཞིང་ཐམས།
iiif viewer powered by OpenSeadragon
