| e-texts navigator |
| Wylie |
151b1 མཆི། དེར་མཆིར་དགའ་བ་འམ། ཡོངས་སུ་གདུང་བའང་མི་བསྐྱེད་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་གཉིས་ཤིག་མཆིས་ན་ནི་དགའ་བ་འམ། ཡོངས་སུ་གདུང་བ་སྐྱེད་པར
151b2 འགྱུར་ན། ཆོས་ཀྱི་དབྱིངས་དེ་ནི་གཉིས་སུ་མ་མཆིས་ཏེ། དེའི་སླད་དུ་བདག་དགའ་བ་འམ། ཡོངས་སུ་གདུང་བར་མི་འགྱུར་ལགས་སོ།། བཅོམ་ལྡན་འདས་ཆོས་སྟོན་པ་མཛད་པའི་ཆོས་བསྟན་པ
151b3 དེས་ཀྱང་། ཆོས་གང་ཡང་སོགས་པའམ། འབྲི་བ་འམ། འཕེལ་བ་འམ། འགྲིབ་པར་མི་བགྱིད་དེ། འདི་ལྟར་ཆོས་བསྟན་པ་དེ་ནི་ཆོས་གང་ཡང་དམིགས་པས་ཉེ་བར་གནས་པ་མ་ལགས་ཏེ
151b4 བཅོམ་ལྡན་འདས་དེའི་སླད་དུའང་བདག་དགའ་བར་མི་འགྱུར་ཞིང་། ཡོངས་སུ་གདུང་བར་མི་འགྱུར་ལགས་སོ།། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ
151b5 ཤཱ་རིའི་བུ་ཁྱོད་ཀྱིས་འཇམ་དཔལ་གཞོན་ནུར་གྱུར་པའི་སྤོབས་པ་ཐོས་སམ། གསོལ་པ། བཅོམ་ལྡན་འདས་ཐོས་ལགས་ཏེ། བཅོམ་ལྡན་འདས་བདག་ནི་བཅོམ་ལྡན་འདས་དང་། འཇམ
151b6 དཔལ་གཞོན་ནུར་གྱུར་པའི་སྤོབས་པ་ཐོས་ཀྱང་ཅི་མ་རུང་སྙམ་སྟེ། དེའི་སླད་དུ་བདག་འདི་ན་མཆིས་ལགས་སོ།། དེ་ནས་བཅོམ་ལྡན་འདས་ལ། འཇམ་དཔལ་གཞོན་ནུར་གྱུར་པས་འདི་སྐད་ཅེས
151b7 གསོལ་ཏོ། ། བཅོམ་ལྡན་འདས་ཚེ་དང་ལྡན་པ་ཤཱ་རིའི་བུ་ནང་དུ་མཆི་བར་མཛད་དུ་གསོལ། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་རིའི་བུ་ལ་འདི་སྐད་དུ། ཤཱ་རིའི་བུ་ཁྱོད་གནས་ཁང་གི
iiif viewer powered by OpenSeadragon
